டவுட் தனபாலு: மற்ற தலைவர்களை விடுங்க... இலங்கை தமிழர்கள் என்றாலே, தண்ணீர் கூட குடிக்காமல் பல மணி நேரம் மேடைகளில் முழங்கும் வைகோ, சீமான் எல்லாம் எங்க போயிட்டாங்க என்ற, ‘டவுட்’ வருதே!

lll

மா.கம்யூ., தமிழக செயலர் சண்முகம்: தமிழக மின் வாரியம், 1 யூனிட் மின்சாரத்தை 35 ரூபாய்க்கு கொள்முதல் செய்ய இருப்பது அதிர்ச்சி அளிக்கிறது. மின் பற்றாக்குறையை முன்கூட்டியே கணக்கிட்டு, உரிய காலத்தில் தேவையான நடவடிக்கை எடுக்காமல், மின் வெட்டை காரணம் காட்டி, கொள்ளை விலைக்கு கொள்முதல் செய்வது, முற்றிலும் நியாயமற்ற அணுகுமுறை.

டவுட் தனபாலு: கடந்த அ.தி.மு.க., – தி.மு.க., ஆட்சிகள்ல தனியாரிடம் மின்சாரம் கொள்முதல் செய்து, ‘பலன்’ பெற்ற அதிகாரிகள் சிலர், இந்த ஆட்சியில அப்படி செய்ய முடியாம தவிச்சிட்டு இருந்தாங்க... இதனால, அவங்களே செயற்கையா மின்வெட்டை ஏற்படுத்தி, த.வெ.க., அரசையும் தங்களது வலையில விழ வச்சிட்டாங்களோ என்ற, ‘டவுட்’ தான் வருது!

lll

அ.தி.மு.க., பொதுச்செயலர் பழனிசாமி: ‘அ.தி.மு.க., ஒன்றிய செயலர்கள், 1,000த்துக்கும் மேற்பட்டோர் எங்களுடன் வர உள்ளனர்’ என, த.வெ.க., அமைச்சர் ஆதவ் அர்ஜுனா கூறுகிறார். குதிரை பேரத்தை சட்டசபையில் தொடங்கி, கிளை செயலர் வரை வந்து விட்டனர். அரசியலில் இரண்டு ரகத்தினர் உண்டு. ஒன்று அரசியல்வாதி; மற்றொன்று அரசியல் வியாபாரி. இவற்றில் அமைச்சர்கள் ஆதவ், நிர்மல்குமார் ஆகியோர் இரண்டாம் ரகம்.

டவுட் தனபாலு: அரசியல்ல மூணாவதா ஒரு ரகமும் இருக்கே... தட்டு தடுமாறி, ‘தவழ்ந்து’ முக்கிய பதவிகளுக்கு வந்துட்டு, ஏறி வந்த ஏணியை எட்டி உதைச்சிடுறாங்களே... அதுவும் இல்லாம, ‘என்னால மட்டும் தான் கட்சி இருக்கு... யாரையும் நம்பி நான் இல்ல’ன்னு இறுமாப்புடன் செயல்படும் சிலர் உங்க கண்ணுக்கு தெரியலையா என்ற, ‘டவுட்’ எழுதே!

lll