டவுட் தனபாலு: 'நெனப்பு தான் பொழப்பை கெடுத்துச்சாம்'னு கிராமங்கள்ல ஒரு பழமொழி சொல்லுவாங்க... அதுக்கு, அரசியல்ல சரியான உதாரணம் நீங்க தான் என்பதில், 'டவுட்'டே இல்லை!

பத்திரிகை செய்தி: தமிழக வெற்றிக் கழக தலைவரும், முதல்வருமான விஜய், சென்னை பெரம்பூர், திருச்சி கிழக்கு ஆகிய இரு தொகுதிகளில் வெற்றி பெற்றார்; திருச்சி கிழக்கு எம்.எல்.ஏ., பதவியை ராஜினாமா செய்தார். இதேபோல, அ.தி.மு.க., - எம்.எல்.ஏ.,க்கள் நால்வர் ராஜினாமா செய்ததால், ஐந்து தொகுதிகளுக்கு விரைவில் இடைத்தேர்தல் நடக்க உள்ளது. இதில், திருச்சி கிழக்கில், தி.மு.க., கூட்டணியில் இருக்கும் இனிகோ இருதயராஜுக்கு மட்டும் சீட் ஒதுக்கிவிட்டு, மற்ற நான்கு தொகுதி இடைத்தேர்தலை புறக்கணிக்க, தி.மு.க., முடிவு செய்துள்ளதாக கூறப்படுகிறது.

டவுட் தனபாலு: சரியா போச்சு... 75 வருஷம் பாரம்பரியம் கொண்ட தி.மு.க., முழுசா மூணு வயசு கூட நிரம்பாத த.வெ.க.,வை பார்த்து பயந்து, களத்தில் இருந்து ஓடிட்டதா அவதுாறுகள் கிளம்புமே... அதேநேரம், மறுபடியும் த.வெ.க.,விடம் தோற்று அவமானப்படுவதை விட, இதுவே பரவாயில்லைன்னு நினைச்சிட்டாங்களோ என்ற, 'டவுட்' தான் வருது!

ம.தி.மு.க., பொதுச்செயலர் வைகோ: திருவள்ளுவர் அனைத்தையும் கடந்தவர். அத்தகைய திருவள்ளுவருக்கு, திமிர் பிடித்த சர்வாதிகாரியான தமிழக கவர்னர், காவி ஆடை போர்த்தியதை மன்னிக்க முடியாது. திட்டமிட்டு, நம்மை உசுப்பி பார்ப்பது போல் ஆணவத்துடன் இதை செய்துள்ளார். இது தொடருமானால், கவர்னர் எந்த மாவட்டத்திற்கு சென்றாலும் ம.தி.மு.க., கருப்புக் கொடி காட்டும்.

டவுட் தனபாலு: வழக்கமா, இந்த மாதிரி விவகாரங்கள்ல ஆவேசம் காட்டும் தி.மு.க.,வே அடக்கி வாசிக்கிறப்ப, நீங்க ஓவரா உணர்ச்சிவசப்படுறீங்களே... அது சரி... 'கவர்னர் எங்க போனாலும் கருப்புக் கொடி காட்டுவோம்'னு சொல்ற உங்க கட்சிக்கு, எல்லா மாவட்டங்கள்லயும் தொண்டர்கள் இருக்காங்களா என்ற, 'டவுட்' வருதே!