டவுட் தனபாலு: கடந்த தி.மு.க., ஆட்சியில் ஒப்பந்த ஊழியர்களை நியமிச்சப்பவும், இதே மாதிரி கண்டன அறிக்கை விட்டுட்டு கமுக்கமா இருந்துட்டீங்க... அதே மாதிரி இப்பவும், 'கடமை'யை முடிச்சுக்குவீங்களா அல்லது காம்ரேட்களின் போராட்ட குணத்தை வெளிப்படுத்து வீங்களா என்ற, 'டவுட்' வருதே!

பத்திரிகை செய்தி: 'தி.மு.க.,வை அடுத்த கட்டத்திற்கு கொண்டு செல்லவும், த.வெ.க., மற்றும் அண்ணா மலையின், 'வீ த லீடர்ஸ்' அமைப்பால் எழும் சவால்களை எதிர் கொள்ளவும், தி.மு.க.,வில் இளைஞர் களின் பங்களிப்பு அவசியம்' என, உதயநிதி தரப்பினர் கருதுகின்றனர். 'எனவே, உதயநிதிக்கு செயல் தலைவர் பதவி வழங்க வேண்டும்' என, அவர்கள் வலியுறுத்தி வருகின்றனர். ஆயினும், தி.மு.க., மூத்த நிர்வாகிகள் இதற்கு முட்டுக்கட்டை போட்டு வருகின்றனர்.

டவுட் தனபாலு: கருணாநிதி, ஸ்டாலின் காலத்து தலைவர்கள் பலரும், 70 - 75 வயதை தாண்டியவங்களா இருக்காங்க... அவங்களால, ஓடியாடி கட்சி பணிகளை செய்ய முடியாது... ஆனாலும், பல வருஷமா கட்சி பதவிகளை அனுபவிச்சவங்க, அவ்வளவு சுலபமா இளைஞர்களுக்கு வழி விடுவாங்களா என்பது, 'டவுட்' தான்!

முன்னாள் அமைச்சரும், அ.தி.மு.க., அதிருப்தி எம்.எல்.ஏ.,வுமான வேலுமணி: சட்டசபையில், த.வெ.க., ஆட்சிக்கு எதிராக அ.தி.மு.க., பொதுச்செயலர் பழனி சாமி கடும் விமர்சனத்தை முன்வைக்கும் நிலையில், நம் அணியின் எம்.எல்.ஏ.,க்கள் யாரும் அரசை விமர்சிக்க தேவையில்லை; முடிந்த வரை அமைதியாகவே இருப்போம். அமைச்சர்களை சந்திக்க வேண்டும் என நினைத்தால், என்னிடம் சொல்லுங்கள்; நான் ஏற்பாடு செய்து தருகிறேன்.

டவுட் தனபாலு: அ.தி.மு.க., கரை வேஷ்டி கட்டியிருக்கும் உங்க ஆதரவு எம்.எல்.ஏ.,க்கள், பழக்க தோஷத்துல ஆளுங்கட்சியை திட்டிடக் கூடாதுன்னு உஷாராவே இருக்கீங்க என்பது, 'டவுட்' இல்லாம தெரியுது... அதேநேரம், அ.தி.மு.க.,வில் ஒரு காலும், த.வெ.க., பக்கம் ஒரு காலுமா இன்னும் எத்தனை நாட்கள் இருக்க போறீங்க என்ற, 'டவுட்'டும் சேர்ந்தே வருதே!