டூவீலரில் இருந்து இறங்கிய கார்த்திகா, தான் அணிந்திருந்த செருப்பால் மயில்வாகனத்தை தாக்கியுள்ளார். காயமடைந்த அவர் அரசு மருத்துவமனைக்கு அனுப்பி வைக்கப்பட்டார். அவர் அளித்த புகாரின் பேரில் கார்த்திகா பல்லடம் போலீஸ் ஸ்டேஷனுக்கு வரவழைக்கப்பட்டார்.

ஸ்டேஷனில் பணியில் இருந்த போலீசாரிடம் கார்த்திகா தகாத வார்த்தைகளால் பேசியுள்ளார். இதையடுத்து மகளிர் ஸ்டேஷன் எஸ்.எஸ்.ஐ. கலையரசி வரவழைக்கப்பட்டார். அவரையும் ஒருமையில் பேசி தாக்கியதில் கலையரசிக்கு தலை, முகம், கண் பகுதியில் உள்காயம் ஏற்பட்டது. தொடர்ந்து விசாரணைக்கு அழைத்துச் செல்ல முயன்ற காவலர் சுகன்யாவையும் தாக்கியுள்ளார். இதையடுத்து, கார்த்திகாவை போலீசார் கைது செய்தனர். கார்த்திகாவின் கணவர் கவுதம், காங்கயத்தில் ஓராண்டுக்கு முன்பு நடந்த கொலை வழக்கில் கைது செய்யப்பட்டு, நான்கு நாட்களுக்கு முன்பு ஜாமினில் வெளியே வந்தவர். இவர்களுக்கு இரண்டு பெண் குழந்தைகள் உள்ளனர். இச்சம்பவத்தால் பல்லடம் போலீஸ் ஸ்டேஷனில் பரபரப்பு ஏற்பட்டது.