தகவலறிந்து சம்பவ இடத்திற்கு வந்த, திருவொற்றியூர் த.வெ.க., - எம்.எல்.ஏ., செந்தில்குமார், ரயில்வே அதிகாரிகளிடம் பேசிக் கொண்டிருந்தார். எம்.எல்.ஏ., அங்கிருப்பது தெரியாமல் ஒரு பெண், 'எம்.எல்.ஏ., வரார்னு சொல்லியிருக்காங்க' என மற்றொரு பெண்ணிடம் கூறினார்.

இதை பார்த்த நிருபர் ஒருவர், 'நீங்க யாருக்கு ஓட்டு போட்டீங்க' என கேட்க, அப்பெண், 'விசிலுக்கு தான்' என்றார். உடனே நிருபர், 'உங்க எம்.எல்.ஏ., வந்து ரொம்ப நேரமாச்சு' என, எம்.எல்.ஏ.,வை சுட்டிக்காட்டினார்.

சக நிருபரோ, 'தங்களது எம்.எல்.ஏ., யார்னு இன்னும் தெரியாம இருக்காங்களே' என, 'கமென்ட்' அடிக்க, அங்கு சிரிப்பலை எழுந்தது.