த.வெ.க.,வைச் சேர்ந்த, வெளிநாடு வாழ் தமிழர் நலத்துறை அமைச்சர் தென்னரசு, நுாலகத்தை திறந்து வைத்தார். தொடர்ந்து, முகாம் மக்களிடம் குறைகள் குறித்து கேட்ட அமைச்சர், ‘எந்த குறையும் இல்லாமல் உங்களை பார்த்துக் கொள்ளும்படி அதிகாரிகளிடம் சொல்லி உள்ளோம். இது, அண்ணன் விஜய் ஆட்சி; எது வேண்டுமானாலும் உரிமையோடு கேளுங்க’ என்றார்.

உடனே அவர்கள், ‘இங்கு உயர்நிலைப் பள்ளி வேண்டும்’ என கேட்க, பக்கத்தில் இருந்த கலெக்டர் விஷு மகாஜனிடம், ‘சார் அது என்னன்னு கொஞ்சம் பார்த்துக்கோங்க’ என்றபடியே அமைச்சர் அங்கிருந்து கிளம்பினார்.

இதை பார்த்த நிருபர் ஒருவர், ‘எதுவும் கேட்க மாட்டாங்கன்னு அமைச்சர் நினைச்சிருப்பார்... பள்ளிக்கூடம் வேணும்னதும் சிட்டா பறந்துட்டாரே’ என முணுமுணுக்க, சக நிருபர்கள் ஆமோதித்தனர்.