ஆவேசமடைந்த, தி.மு.க., கவுன்சிலர்கள் அனைவரும், 'பத்திரிகையாளர்களுக்கு இடமளிக்கும் வரை நாங்களும் உட்கார மாட்டோம்' எனக் கூறி, எழுந்து நின்று கோஷமிட்டனர். அதன்பின் அதிகாரிகள் தலையிட்டு, பத்திரிகையாளர்களுக்கு இருக்கை வசதி செய்து கொடுத்தனர்.

இருக்கையில் அமர்ந்த மூத்த நிருபர் ஒருவர், 'கவுன்சிலர் சீட் வாங்க இவங்க எவ்வளவு கஷ்டப்பட்டிருப்பாங்க... அதனால தான், நாம உட்கார சீட் இல்லாம சிரமப்பட்டதை பார்த்து, குரல் கொடுத்து சீட் வாங்கி கொடுத்துட்டாங்கப்பா...' என முணுமுணுக்க, சக நிருபர்கள் சத்தமின்றி சிரித்தனர்.