விழுப்புரம்,:விழுப்புரம் மாவட்டத்தில், அரசு இலவச பஸ்களில் பெண்களை ஏற்றாமல் செல்வதாக புகார் எழுந்தது. அதையடுத்து டிரைவர், கண்டக்டர்களுக்கு போக்குவரத்து துறை அறிவுரை வழங்கியது. இந்நிலையில், கடந்த 22ம் தேதி காலை 8:00 மணிக்கு, விக்கிரவாண்டியில் இருந்து விழுப்புரம் நோக்கி சென்ற அரசு டவுன் பஸ், முத்தாம்பாளையம் பஸ் நிறுத்தத்தில் நின்ற பெண்களை ஏற்றாமல் சென்ற 'வீடியோ' சமூக வலைதளங்களில் பரவியது.