2. சிங்கப்பூர் தேசிய பல்கலை ஆய்வாளர்கள் தாவரத் திசுக்களுக்குள் நன்மை செய்யும் நுண்ணுயிரிகளை நேரடியாகச் செலுத்தும் 'நுண் ஊசிப் பட்டை'யை உருவாக்கியுள்ளனர். கரையும் தன்மை கொண்ட இது, உரங்களின் தேவையை குறைப்பதுடன், சுற்றுச்சூழலுக்குப் பாதிப்பில்லாமல் பயிர் விளைச்சலை அதிகப்படுத்தும்.

3. சுவிட்சர்லாந்தின் இ.பி. எப்.எல்., விஞ்ஞானிகள், பெரும் தரவு மையங் களின் உதவியின்றி, கருவி களிலேயே நேரடியாக இயங்கும் ஏ.ஐ., அமைப்பை உருவாக்கியுள்ளனர். இது ஏ.ஐ., இயங்குவதற்கான மின்சாரம், தண்ணீர் தேவையை பெருமளவு குறைத்து, அவை உண்டாக்கும் சுற்றுச்சூழல் தாக்கத்தையும் குறைக்கும்.

4. ஜெர்மனியின் பிரான்ஹோபர் ஆய்வகம், ஈறுகளில் நோய் உண்டாக்கும் பாக்டீரியாக்களை மட்டும் துல்லியமாகக் குறிவைத்து அழிக்கும் புதிய பற்பசையை உருவாக்கியுள்ளது. இது வாயிலுள்ள நன்மை செய்யும் கிருமிகளைக் கொல்வதில்லை. மாறாக, வாயிலுள்ள நுண்ணுயிரிச் சூழலில் சமநிலையைப் பேணி, நோயைக் குணப்படுத்த உதவுகிறது.

5. கொரோனா முடக்க காலத்தில், நகரப் பறவைகளின் அலகுகள் வேகமாக மாற்றமடைந்திருப்பதை கலிபோர்னிய பல்கலை ஆய்வாளர்கள் கண்டறிந்துள்ளனர். அந்த இரண்டு ஆண்டுகளில், மனிதர்கள் வீசும் உணவுக்கழிவுகள் குறையவே, பறவைகளின் இரையில் நேர்ந்த மாற்றத் தினாலேயே, இந்தப் பரிணாம மாற்றம் ஏற்பட்டுள்ளது.