குட்மார்னிங் ஸ்டுடண்ட்ஸ்...

இப்போ நீங்க எல்லாரும் ஓரளவுக்கு ஆங்கிலம் பேச கற்று கொண்டிருக்கிறீர்கள். இது, எனக்கு ரொம்ப மகிழ்ச்சியை கொடுக்கிறது. அதை விட ஆங்கில இலக்கணமும் நன்றாக கற்று வருகிறோம், என்று நீங்கள் எழுதும் கடிதங்கள் மற்றும் போன் மூலம் அறிந்து மிக்க மகிழ்ச்சியடைகிறேன்.

சரி... பாடத்துக்கு போகலாம்.

கட்டளை மற்றும் வேண்டுகோளை குறிக்கும் Imperative mood - Active voice வாக்கியங்களை Passive voice ஆக மாற்றி அமைக்கும் போது,Let என்ற வார்த்தையை, வாக்கியத் தின் முன்பாக வைத்து மாற்ற வேண்டும்.

உதாரணம்:

1. Do this home work. - A

இந்த வீட்டுப் பாடத்தை முடி.

Let this home work be done. - P

இந்த வீட்டுப் பாடம் ஆகட்டும்.

2. Tell him to sit down. - A

அவனை உட்காரச் சொல்.

Let him be told to sit down. - P

அவன் உட்காரும்படி சொல்லப்பட்டிருக்கும்.

3. Punish him. - A

அவனுக்கு தண்டனை கொடு.

Let him be punished. - P

அவனுக்கு தண்டனை கொடுக்கப்படட்டும்.

4. Do not encourage indiscipline. - A

ஒழுங்கீனத்தை ஊக்கப்படுத்தாதே.

Indiscipline should not be encouraged. - P

ஒழுங்கீனம் ஊக்கப்படுத்தப்படக் கூடாது.

இப்போ புரியுதா குட்டீஸ்... ஒவ்வொரு வாக்கியங்களின் வித்தியாசம் என்னவென்று... எதற்காக இவ்ளோ சொல்லி தர்றேன் தெரியுமா? நீங்கள் ஒவ்வொன்றையும் தெரிந்து கொண்டு அழகாக இங்கிலீஷ் பேசி அசத்தணும் என்பது தான் என் ஆசை... அதனால் தான் ரொம்ப டீப் ஆ ஒன்றையும் விட்டுவிடாமல் சொல்லி தர்றேன். நீங்களும் கற்றுக்கோங்க சரியா?

அடுத்து நாம பாக்கப்போறது Transformation of sentence - அதாவது வாக்கிய மாற்றுதல். இதில் ஒரு அங்கம்தான் Active - Passive Voice

நாம் பேசும்போது, ஒரே பொருள் உள்ள பதங்களை வெவ்வேறு மாதிரி பேசலாம்; ஆனால், கருத்து மாறுவதில்லை. இதை ஆங்கிலத்தில் பேசும்போது எப்படி பேசுவது என்பதை தான் உங்களுக்கு சொல்லி தரப்போறேன்...

அப்புறம் இந்த மாதிரி யாராவது பேசப் போக... இந்த வர்ஷி மிஸ் இதை நமக்கு சொல்லித் தரலையே என்று நீங்கள் நினைக்கக் கூடாது. எல்லாருமே ஒரே மாதிரி தான் ஆங்கிலத்தில் பேச வேண்டும் என்ற அவசியம் இல்லையே...

Interrogative - கேள்வி

1. Can anybody bear such an insult?

இவ்வளவு அவமதிப்பை எவனாவது பொறுத்து கொள்வானா?

Assertive - நேர் பொருள்

Nobody can bear such an insult.

எந்த மனிதனும் இவ்வளவு அவமதிப்பை பொறுத்து கொள்ள மாட்டான்.

2. Shall we ever forget these good days - I

இந்த நாட்களை நம்மால் மறக்க முடியுமா?

We shall never forget these days - A

நாம் இந்த நாட்களை எப்போதும் மறக்க முடியாது.

3. Is not health more precious than wealth - I

ஆரோக்கியம் பணத்தை விட மிக மிக மதிப்புள்ளதல்லவா?

Health is more precious than wealth - A

ஆரோக்கியம் செல்வத்தை விட மதிப்புள்ளது.

போதுமா மாணவாஸ்... இவற்றை நன்கு படித்து மனதில் ஏற்றி கொள்ளுங்கள்.

Until then, Bye bye

Varshitha.