திருச்சி மாவட்டம், பொன்மலை, ரயில்வே பள்ளியில், 1961ல், 8ம் வகுப்பு படித்துக் கொண்டிருந்தேன்.

சரித்திரப் பாட ஆசிரியர் பைங்கணன், பாடத்தின் நடுவில், 'அக்பர் செய்த சீர்திருத்தங்கள் யாவை...' என்று கேட்டார். நான், 'திருதிரு' என முழிக்கவே, 'இம்பொசிஷன் ஐந்து முறை எழுது...' என்று கூறி விட்டார்.

அடுத்த நாள் எழுதாமல் வந்தேன்; மறந்து விட்டிருப்பார் என அமர்ந்திருந்தேன். துரதிருஷ்டமாக, 'என்ன... எழுதியதை எடுத்து வா...' என்றார்; பேசாமல் நின்றேன்.

அடுத்து, '10 முறை எழுதி வா...' என்றார். இப்படியாக, 40ல் வந்து நின்றது.

ஒரு வழியாக, முதல் பக்கத்தில், 15 வரிகளும், அடுத்தடுத்த பக்கங்களில், ஒரு வரி விட்டும் ஒரு மாதிரி எழுதி முடித்து, அவரிடம் காட்ட காத்திருந்தேன்.

சரித்திரப் பாட வகுப்புக்கான நேரமும் வந்தது. எதிர்பார்ப்புடன் இருந்தேன். அன்று புதிய ஆசிரியர் வந்தார். திகைத்தபடி, 'அடடா... அவசரப்பட்டு விட்டோமே; ஒரு நாள் பொறுத்திருந்தால், கை வலிக்க எழுதியிருக்க வேண்டாமே' என பெருமூச்சு விட்டேன்.

இப்போது என் வயது, 73; அந்த சம்பவம் மனதை விட்டு அகல மறுக்கிறது.

- கி.முத்து கிருஷ்ணன், சென்னை.

தொடர்புக்கு: 96001 99478