தண்ணீருக்கடியில் வெகு நேரம் நீந்த உதவும் மூச்சுக் கருவியின் பெயர்தான் ஸ்கியூபா. நீருக்கடியில், இது நுரையீரல் போன்று செயல்படும்.

இதனால் ஆழ்கடலில் சென்று அங்குள்ள நிலப்பரப்புகள், கடல்வாழ் தாவரம் மற்றும் உயிரினங்களை ஆராயவும், எண்ணெய் எடுப்பதற்காக ஆராயவும், டால்பின், சுறா மீன் ஆராய்ச்சி மற்றும் ராணுவத் தொடர்புகளுக்காக கப்பற்படையில் பெரும் பங்கும் வகிக்கிறது.

மூச்சுக்குத் தேவையான ஆக்சிஜன் சிலிண்டரும், விடும் மூச்சை வாய் வழியாக வெளியே விடும் கருவியும் இதிலுள்ளது. இது, ஆக்ஸிஜனை மட்டும் உள்ளே அனுமதிக்கும். இதனால் சீரான மூச்சு ஓட்டம் கிடைப்பதால், கடலில் சில மணி நேரங்கள் நீந்தலாம்.