என் வயது, 76; ஓய்வு பெற்ற அரசு அலுவலர்; சனிக்கிழமைகளில், தினமலர் நாளிதழ் வருகைக்காக காத்திருப்பேன். மற்றவர்களுக்கு முன் ஆவலுடன், சிறுவர்மலர் இதழைப் படித்து விடுவேன். அது மகிழ்ச்சி தரும்.

பள்ளிப் பருவ நினைவுகளை, 'ஸ்கூல் கேம்பஸ்!' பகுதி தந்து பரவசம் அடைய செய்கிறது. சுவையாக சமைக்க சொல்லும், 'மம்மீஸ் ஹெல்த்தி கிச்சன்!' பகுதியில் வரும் உணவு செய்முறையை அக்கம் பக்கத்தில் தோழியருக்கு கூறி, பயன் அடைய வைக்கிறேன்.

நல் அறிவுரை கூறும், 'இளஸ்... மனஸ்...' பகுதியை மனதில் வாங்கி, பிரச்னை உள்ளவர்களுக்கு ஆலோசனை கூறி வருகிறேன். பல வயதினரும் பயன்படும் வகையில் பல வண்ண தகவல்களை உள்ளடக்கியுள்ளது சிறுவர்மலர் மட்டும் தான்; பரிசுகளையும் அள்ளி தருகிறது!

- சு.வசந்தா ராமன், கடலுார்.