தமிழகம்

ஆக., 8: ரஷ்யாவில் ஆற்றில் குளிக்கும்போது நான்கு தமிழக மருத்துவ மாணவர்கள் பலி.

ஆக., 12: சென்னையில் இருந்து அந்தமான் நிகோபர் தீவுக்கு, கடலுக்கு அடியில் 2,132 கி.மீ. துாரத்துக்கு 'பைபர் ஆப்டிக் கேபிள்' இணைப்பு திட்டம் மத்திய அரசு துவக்கம்.

ஆக., 31: 118 புதிய ஆம்புலன்ஸ்கள் துவக்கம். முதல் பெண் ஓட்டுநராக வீரலட்சுமி நியமனம்.

இந்தியா

ஆக., 1: மத்திய அரசின் 'ஒரே நாடு, ஒரே ரேஷன் கார்டு' திட்டம் துவக்கம். இதில் தமிழகம் உட்பட 24 மாநிலங்கள் இணைந்தன.

ஆக., 6: காய்கறிகளை கொண்டு செல்ல மஹாராஷ்டிரா - பீஹார் இடையே முதல் கிசான் ரயில் துவுக்கம்.

* விசாகபட்டினத்தில் ரசாயன தொழிற்சாலையில் விஷவாயு கசிந்ததில் 11 பேர் பலி.

ஆக., 9: ஆந்திராவின் விஜயவாடாவில் கொரோனா சிகிச்சை மையத்தில் ஏற்பட்ட தீ விபத்தில் 11 பேர் பலி. 22 பேர் காயம்.

ஆக., 11: குடும்ப சொத்து பங்கீட்டில் பெண்களுக்கு சம உரிமை உள்ளது என உச்சநீதிமன்றம் தீர்ப்பு.

ஆக., 19 : ரயில்வே சொத்துகளை பாதுகாக்க 'நின்ஜா டிரோன்களை' இந்திய ரயில்வே அறிமுகம்.

ஆக., 20: தெலுங்கானாவின் ஸ்ரீசைலம் நீர் மின்உற்பத்தி நிலைய தீ விபத்தில் 9 பேர் பலி.

ஆக., 22: யுனெஸ்கோ அமைப்பின் 12 ஆயிரம் இளம் ஆராய்ச்சியாளர்களில் கேரளாவின் அனாமிகா மதுராஜ் தேர்வு.

உலகம்

ஆக., 1: கூகுள்( 2021, ஜூன் ), பேஸ்புக் (2021, ஜூலை) நிறுவன ஊழியர்கள் வீட்டிலிருந்து பணிபுரிய அனுமதி.

ஆக., 3: தனிம வரிசை(periodic table) அட்டவணையை வேகமாக அடுக்கி பாகிஸ்தானின் ஒன்பது வயது சிறுமி நடாலியா நஜாம் கின்னஸ் சாதனை.

ஆக., 9: இலங்கை பிரதமராக மகிந்தா ராஜபக்சே பொறுப்பேற்பு.

ஆக., 15: இந்திய சுதந்திர தினத்தை முன்னிட்டு, நியூயார்க்கின் 'டைம்ஸ்' சதுக்கத்தில், முதல்முறையாக மூவர்ணக் கொடி ஏற்றம்.

ஆக., 19: ஐக்கிய அரபு எமிரேட்சின் பரஹாக் அணு மின் நிலையம் உற்பத்தியை தொடங்கியது.

ஆக., 22: உலகின் அதிக வயதான முதியவர் பிரெடி புளோம் 116, காலமானார். இவர் தென் ஆப்ரிக்காவை சேர்ந்தவர்.

ஆக., 23: அமெரிக்காவின் புளோரிடா மாகாண அதிகாரிகள் மரபணு மாற்றம் செய்யப்பட்ட 75 கோடி கொசுக்களை பறக்கவிடும் திட்டத்திற்கு ஒப்புதல்.

ஆக., 28: நைஜீரியாவில் போலியோ ஒழிக்கப்பட்டதால், போலியோ இல்லாத கண்டமாக ஆப்ரிக்கா மாறியது.

ஆக., 30: வடக்கு மாசிடோனியா பிரதமராக ஜோரான் ஜீவ் பொறுப்பேற்பு.

இதுதான் 'டாப்'

* ஆக., 1: மத்திய அரசின் 'ஒரே நாடு., ஒரே ரேஷன் கார்டு' திட்டம் துவக்கம். தமிழகம் உட்பட 24 மாநிலங்கள் இணைந்தன.

* ஆக., 20: ரஷ்ய எதிர்க்கட்சி தலைவர் அலெக்சே நாவல்னிக்கு, ரஷ்ய அதிகாரிகள் தேநீரில் விஷம் கொடுத்ததாக குற்றச்சாட்டு. ஜெர்மனியில் சிகிச்சைக்குப்பின் உடல் நலம் தேறினார்.

* ஆக., 24: சிங்கப்பூரின் முதல் எதிர்கட்சி தலைவராக இந்தியாவை பூர்வீகமாக கொண்ட பிரதம் சிங் பொறுப்பேற்பு.

'இரண்டான' விமானம்

ஆக., 7: துபாயிலிருந்து கோழிக்கோடு விமானநிலையம் வந்த ஏர் இந்தியா எக்ஸ்பிரஸ் விமானம் 'டேபிள்டாப்' ஓடுதளத்தில் தரையிறங்கும் போது இரண்டாக பிளந்தது. 2 விமானிகள் உட்பட 19 பேர் பலி.

சாதனை பெண்

ஆக., 4: ஐ..ஏ.எஸ்., தேர்வில் வெற்றி பெற்று மதுரையை சேர்ந்த பார்வையற்ற மாற்றுத்திறனாளி பூர்ணசுந்தரி சாதனை. ஐ.ஆர்.எஸ்., பணி ஒதுக்கப்பட்டதை எதிர்த்து வழக்கு.

பிரதமரின் திருமணம்

ஆக., 3: உலகின் இளம் வயதில் (34 வயது) பிரதமரானவர் பின்லாந்தின் சன்னா மரின். நீண்டநாள் காதலரும், கால்பந்து வீரருமான மார்கஸ் ரெய்கோனனை திருமணம் செய்தார்.

உலுக்கிய வெடி

ஆக., 4: லெபனானின் பெய்ரூட் துறைமுக கிடங்கில் 2750 டன் அம்மோனியம் நைட்ரேட் வேதிப்பொருள் வெடித்தில் 204 பேர் பலி. ரூ. 1.10 லட்சம் கோடி சேதம்.

'மாரத்தான்' பதவியேற்பு

ஆக., 2: 'மாரத்தான்' ஓடிக்கொண்டே அமெரிக்காவின் விஸ்கான்சின் மாகாண உச்ச நீதிமன்ற நீதிபதியாக ஜில் கரோப்ஸ்கி பதவியேற்றார்.