PUBLISHED ON : அக் 29, 2023

உறக்கத்திற்கு தினந்தினம்
விடை கொடுப்பதைப் போல
உங்கள் கனவுகளுக்கு
ஓய்வு கொடுக்காதீர்கள்!
விழலுக்கு இரைத்த நீரைப் போல
விலை மதிக்க இயலா
உங்கள் தனித்துவமான திறமைகளை
விரயம் செய்யாதீர்கள்!
அபயம் என்று யாசிப்போருக்கு
கடுகளவும் உதவாமல்
கோடி கோடியாய் சம்பாதித்தாலும்
அது வெற்றுக் குப்பையே!
வள்ளுவன் வாய்மொழிக்கிணங்க
சொற்பக் கையிருப்பைக் கொண்டும்
பகுத்துண்டு வாழ்தலே
மனிதராய் பிறந்தோருக்கு சிறப்பு!
கூட்டத்தின் முதல்வனாய்
உன்னை தனித்துக் காட்டு!
இதயத்தில் அன்பை நிரப்பிசக மாந்தரை நேசி
குறையே சொன்னாலும் புறந்தள்ளி
அவர்களுக்கும் இரக்கம் காட்டு!
பாதங்களின் மிதியை
பொறுமையாய் தாங்கி நம்மை
வீழ்ந்து விடாமல் ஏந்திக் கொள்ளும்
பூமியைப் போல வாழப் பழகு!
பறவைகளின் எச்சம் ஏற்று
வனம் செழிப்பதைப் போல
அவமானங்கள் தாங்கி எழு
அதுவே வாழ்வின் அழகு!
— விஜயன் செல்வராஜ், கள்ளக்குறிச்சி.
