தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/இணைப்பு மலர்/வாரமலர்/திண்ணை!

திண்ணை!

திண்ணை!


PUBLISHED ON : அக் 20, 2013

Follow on GoogleFavourite on Google

PUBLISHED ON : அக் 20, 2013


Follow on Google
Latest Tamil News
அ நிறம் | அளவு

சென்னையில் இருக்கும், முக்கிய சாலைகள் பலவற்றின், பெயர் காரணம் குறித்து, திண்ணைப் பெரிசு ஒருவர், சொன்ன விவரம்:

*சார்லஸ் பின்னி என்பவர், 1769ல், இந்தியாவில், வாணிகம் செய்ய வந்தார். இவர் பெயரில், பின்னி தெரு உள்ளது. இது அண்ணா சாலையையும், கமாண்டர்-இன்-சீப் பாலத்தையும், இணைக்கும் சிறிய தெரு. இங்கு, பின்னி வாழ்ந்த மாளிகைதான், இப்போது கன்னிமாரா ஓட்டலாக உள்ளது.

*கிழக்கிந்திய கம்பெனி காலத்தில், ஐரோப்பிய குடியேறிகளின், பொழுதுபோக்கு மன்றமாக இருந்த இடம், பாந்தியன் எனப்பட்டது. (அதுவே இன்றைய மியூசியம் தியேட்டர்) இதை நினைவுபடுத்தும் வகையில், இங்குள்ள சாலைக்கு, 'பாந்தியன் ரோடு' எனப் பெயரிடப்பட்டது.

*ரிச்சர்ட் எல்டாம்ஸ் என்பவர், பிரபல ஆங்கிலேய வர்த்தகர். இவர். சென்னை மேயராக இருந்து, 1820ல், இறந்தார். இவர் பெயரால் தான், எல்டாம்ஸ் சாலை உள்ளது.

*ஜேம்ஸ் டெய்லர் என்பவர், 1795ல், சென்னையில், நிர்வாக அதிகாரியாக இருந்ததால், கீழ்பாக்கத்தில், இவர் பெயரில், டெய்லர்ஸ் ரோடு உள்ளது.

*சிங்கண்ணை செட்டி என்பவர், செயின்ட் ஜார்ஜ் கோட்டைக்குள், அடகுக்கடை வைத்திருந்தார். இவர் பெயரில், சென்னையில் மூன்று தெருக்களும், சிந்தாதிரிப் பேட்டையில் இரண்டு சந்தும் உள்ளன.

*ஆளுநரின் பாதுகாவலர் இருந்த வீதிக்கு, பாடிகார்ட்ஸ் ரோடு என்று பெயர். அக்காலத்தில், கப்பல்படை வீரர்களுக்குப் பயன்பட்ட இடத்திற்கு, ஓல்டுநேவல் மருத்துவமனை ரோடு என்று பெயரிட்டு, பெரியமேட்டில், ஒரு வீதி உள்ளது.

*'தி மெட்ராஸ் ஆர்மி' என்ற பெயரில், சென்னைக்கு பிரத்யேகமாக, ஒரு தனிப்படை ராணுவம் இருந்தது. இதன் தளபதி இருந்த இடம்தான், 'கமாண்டர் - இன்-சீப் ரோடு' என, அழைக்கப்படுகிறது.

*வெள்ளையர் அரசால், நடத்தப்பட்ட கல்லூரி இருந்த இடம், கல்லூரி சாலை என்ற, பெயரில் உள்ளது.

* வேப்பேரியில், டவுட்டன் பிராட்டஸ்டண்டு கல்லூரி இருந்த இடம், சுருக்கமாக, டவுட்டன் என்று, அழைக்கப்பட்டது. இன்றும், அதுவே பெயர்.

* இந்தியர்கள் வாழும் பகுதி கறுப்பர் தெரு, (பிளாக்கர்ஸ் ஸ்ட்ரீட் ) என அழைக்கப்பட்டு, இன்றும் அதே பெயரில் உள்ளது. கெயிட்டி தியேட்டர் இருக்கும் சாலை இது.

***

பாகிஸ்தான் - தனிநாடு கோரிக்கை எழுந்த நேரத்தில், கம்யூனிஸ்ட்கள், 'அது கூடாது' என்றனர். பாகிஸ்தான் கிடைத்துவிடும் என்ற போது, கம்யூனிஸ்ட்கள் ஆலோசனைக் கூட்டம் நடத்தி, ஜின்னாவின் திட்டப்படி, முஸ்லிம் களுக்குக் கொடுத்து விட வேண்டியது தான் என்று அறிக்கை வெளியிட்டனர். அதை, ஜின்னாவிடம் கொடுத்து, 'கம்யூனிஸ்ட்கள், பாகிஸ்தான் பிரிவினையை ஆதரிக்கின்றனரே, உங்கள் கருத்து என்ன?' என்று கேட்ட போது, ஜின்னா, அந்த அறிக்கையைப் படித்துப் பார்த்து, 'இது தேவையான நேரத்தில் வந்திருந்தால், நன்றியை செலுத்தி யிருப்பேன். நேரம் தவறி வருவதால், இதை நான் குப்பையில் எறிகிறேன்...' என்று சொல்லி, அதைத் தூக்கி எறிந்தார்.

அதை போல் தான், நியாயத்தின் பக்கத்தில், வலிமை வந்தபின், சேர்வது என்பது முறையல்ல. நியாயத்திற்கு வலுவளிக்க, நீங்கள் முன் வர வேண்டும்.

— அண்ணாதுரை, ஒரு பொதுக்கூட்டத்தில் பேசியது...

கலைவாணர் என்.எஸ்.கிருஷ்ணன், ஊரில் இல்லாத நேரத்தில், அவரது இல்லத்துக்கு, கூர்கா ஒருவனை, காவலுக்கு போட்டு விட்டார் மேனேஜர். அடுத்த நாள், கலைவாணர் வந்தார். கூர்காவைப் பார்த்தார்.

காரை விட்டு இறங்கியதும், முதல் வேலையாக, கூர்காவிற்கு, முழு மாத சம்பளத்தையும் கொடுத்து அனுப்பி விட்டு, மேனேஜரிடம், 'நான் என்ன முதலாளியா? நான் கலைஞன் ஐயா கலைஞன். கலைஞன் வீட்டுக்கு காவலாளியா... கூடவே கூடாது...' என்றார் கிருஷ்ணன்.

***

நடுத்தெரு நாராயணன்

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us