வளைவுகளும் திருப்பங்களும்

நிறைந்ததே வாழ்க்கை

நெளிவு சுளிவுகளுடன் அதை

நேர்மையாக கடக்கணும்!

தோல்விகள் வெற்றிகளை

தடுக்கவே முனையும் - அதை

புறந்தள்ளி தொடர்ந்து

முயற்சியுடன் தொடரணும்!

உங்கள் இலக்குகள் அருகில்

நெருங்கும் சமயம் அவற்றை

தடுக்கும் போராட்டங்கள் வரலாம்

சகிப்புத் தன்மையோடு முன்னேறணும்!

போட்டி பொறாமைகள் தடுக்கலாம்

எதிர்த்துப் போட்டியிட்டு தொடர

மனதில் உறுதி வேண்டும் - என்றும்

முயற்சி தோற்றதில்லை உலகில்!

எனவே முடங்கி விடாதீர்கள்

தொடர்ந்து முயற்சி செய்யுங்கள்

தோல்வியில் துவண்டு விடாதீர்கள்

வெற்றிக்கனி கையில் வந்திடும்!

ஆக்கமும் ஊக்கமும் கைவந்திட

நோக்கமும் எதிர்பார்ப்பும்

விரைந்து நிறைவேறும்

வெற்றியும் வந்திடும் தன்னாலே!

உழைப்பும் தொடர் முயற்சியும்

கைக்கொண்டால் எதையும்

வெற்றி கொள்ளலாம் என்றும்

அமைதியான நதியிலே பயணிக்கலாமே!

—கே.என்.ராமகிருஷ்ணன், கோவை.

தொடர்புக்கு: 90434 53323