கார்வாரில் நேற்று அவர் அளித்த பேட்டி:

மாற்று கட்சியில் இருந்து, பா.ஜ.,வில் சேரும் அனைவரையும், வாஷிங் மெஷினில் போட்டு சுத்தம் செய்கின்றனர். காங்கிரசில் இருந்து அக்கட்சிக்கு சென்ற என்னையும், வாஷிங் மெஷினில் போட்டு சுத்தம் செய்தனர்.

சி.பி.ஐ., அமலாக்கத்துறை, தேர்தல் ஆணையத்தை பா.ஜ., தவறாக பயன்படுத்துகிறது. தேர்தல் ஆணையம் ஜனநாயக படுகொலையை அரங்கேற்றுகிறது.

எம்.எல்.ஏ.,க்கள் சதீஷ் சைல், பரத் ரெட்டி, அமைச்சர் சதீஷ் ஜார்கிஹோளி வீடுகளில் அமலாக்கத்துறை சோதனை நடத்தியது. காங்கிரஸ் ஆளும் மாநிலங்களின் முதல்வர்கள் குறி வைக்கப்படுகின்றனர்.

பா.ஜ.,வில் உள்ள அரசியல்வாதிகள் அனைவரும் ஹரிசந்திரர்கள்; காங்கிரஸ் அரசியல்வாதிகள் மட்டும் திருடர்கள் என்பது போல பா.ஜ.,வின் செயல்பாடு உள்ளது.

இவ்வாறு அவர் கூறினார்.