விவசாயிகளின் நலனுக்காக, மத்திய, மாநில அரசுகள் பல்வேறு திட்டங்கள் செயல்படுத்தியுள்ளன.

தங்கள் கட்சி ஆட்சிக்கு வந்த பின், விவசாயிகள் தற்கொலைகள் குறைந்ததாக காங்கிரசார் கூறுகின்றனர். ஆனால் ஒரே ஆண்டில் 971 விவசாயிகள் தற்கொலை செய்து கொண்டதாக தெரிய வந்துள்ளது.

2024 ஏப்ரல் 1 முதல், 2025 மார்ச் இறுதி வரை, கர்நாடகாவில் 971 விவசாயிகள் தற்கொலை செய்து கொண்டனர்.

விவசாயிகள் தற்கொலையில் ஹாவேரி முதலிடத்தில் உள்ளது.

கூட்டுறவு வங்கிகளில் விவசாயிகளுக்கு கூட்டுறவு வங்கிகள் மூலம், ஐந்து லட்சம் ரூபாய் வரை, வட்டியில்லா கடனுதவி வழங்க வேண்டும்.

விவசாயிகளின் கடன்களை ரத்து செய்ய வேண்டும் என, விவசாய சங்கத்தலைவர்கள் வலியுறுத்துகின்றனர்.

நேற்று முன் தினம் மட்டும், இரண்டு விவசாயிகள் தற்கொலை செய்து கொண்டனர். மாண்டியா மாவட்டம், மலவள்ளி தாலுகாவின், தேவிபுரா கிராமத்தை சேர்ந்த விவசாயி ஜவனம்மா, 75, கல்லாரேபுரா கிராமத்தின் விவசாயி மாதேகவுடா, 70.

இவர்கள் இருவரும் விளைச்சல் பயிரிட, பல இடங்களில் கடன் வாங்கியிருந்தனர். இதை திருப்பிச் செலுத்த முடியாமல், ஜவனம்மா விஷம் குடித்தும், மாதேகவுடா துாக்கிட்டு தற்கொலை செய்து கொண்டனர்.