தென்மேற்கு ரயில்வே வெளியிட்டுள்ள செய்திக்குறிப்பு:

ஓணம் பண்டிகையை முன்னிட்டு, பயணியர் கூட்ட நெரிசலை குறைக்கும் வகையில், எஸ்.எம்.வி.டி., பெங்களூரு - திருவனந்தபுரம் வடக்கு இடையே சிறப்பு ரயில் 06575 இன்று இயக்கப்படுகிறது. மாலை 4:40 மணிக்கு எஸ்.எம்.வி.டி.,யில் இருந்து புறப்படும் ரயில், நாளை காலை 10:00 மணிக்கு திருவனந்தபுரம் வடக்கு ரயில் நிலையத்தை அடையும்.

மறுமார்க்கமாக நாளை மதியம் 12:30 மணிக்கு, திருவனந்தபுரம் வடக்கில் இருந்து புறப்படும் ரயில் 06576, நாளை மறுநாள் காலை 5:15 மணிக்கு, எஸ்.எம்.வி.டி., வரும்.

இதுபோல, வரும் 28ம் தேதி பெங்களூரு கன்டோன்மென்ட் - திருவனந்தபுரம் வடக்கு இடையே, சிறப்பு ரயில் 06579 இயக்கப்படுகிறது. அன்று மாலை 4:30 மணிக்கு புறப்படும் ரயில், மறுநாள் காலை 10:30 மணிக்கு திருவனந்தபு ரம் வடக்கு செல்லும்.

மறுமார்க்கமாக 29ம் தேதி மதியம், 12:30 மணிக்கு புறப்படும் ரயில், மறுநாள் காலை 5:15 மணிக்கு, கன்டோன்மெண்ட் வந்தடையும்.

கே.ஆர்.புரம், பங்காருபேட்டை, குப்பம், சேலம், ஈரோடு, திருப்பூர், போத்தனுார், பாலக்காடு, திருச்சூர், ஆலுவா, எர்ணாகுளம் டவுன், கோட்டயம், சங்கனாசேரி, திருவல்லா, செங்கனுார், மாவேலிகரா, காயங்குளம், கருநாகப்பள்ளி, சாஸ்தான்கோட்டா, கொல்லம், வர்கலா சிவகிரி ரயில் நிலையங்களில் நிற்கும்.

இவ்வாறு கூறப்பட்டுள்ளது.