தேவையான பொருட்கள்

 குஸ் குஸ் -- ஒரு கப்

 நல்லெண்ணெய் - 4 டீஸ்பூன்

 தண்ணீர் - ஒரு கப்

 கேரட் - 2

 பீன்ஸ் - 2

 குடை மிளகாய் - 1

 பச்சை மிளகாய் - 2

 வெங்காயம் - 1

 இஞ்சி - 20 கிராம்

 பூண்டு - 20 கிராம்

 மிளகாய் துாள் - கால் டீஸ்பூன்

 உப்பு - தேவையான அளவு

 கடுகு - அரை டீஸ்பூன்

 உளுந்தம் பருப்பு - அரை டீஸ்பூன்

 கடலை பருப்பு - அரை டீஸ்பூன்

 கருவேப்பிலை - தேவையான அளவு

செய்முறை

 வாணலியில் ஒரு கப் தண்ணீர் ஊற்றி நன்கு கொதிக்க விடவும். அதே அளவு குஸ் குஸ் எடுத்து, கொதிக்கும் தண்ணீரில் போட்டு அடுப்பின் சூட்டை குறைக்கவும். சிறிதாக எண்ணெய் சேர்க்கவும். எண்ணெய் சேர்க்கும் போது, குஸ் குஸ் உதிரி உதிரியாக வரும்.

 பின் குஸ் குஸ்ஸை தாளிக்கவும். கடாயில் நான்கு ஸ்பூன் எண்ணெய் ஊற்றி சூடாக்கவும். சூடானதும், கடுகு, உளுந்தம் பருப்பு, கடலை பருப்பு தலா அரை ஸ்பூன் போடுங்கள்.

 கடுகு வெடித்தவுடன் இஞ்சி-பூண்டு தலா 20 கிராம், பொடிதாக நறுக்கிய பச்சை மிளகாய், கொஞ்சம் கறிவேப்பிலை போட்டு வறுக்கவும்.

 அதனை தொடர்ந்து, நறுக்கிய வெங்காயம், பீன்ஸ், கேரட், குடை மிளகாய் போட்டு வேக விடுங்கள். இதன் பிறகு மஞ்சள் துாள் கால் டீஸ்பூன், உப்பு தேவையான அளவு, மிளகாய் துாள் ஒரு டீஸ்பூன் சேர்த்து கலந்து விடுங்கள்.

 இறுதியாக குஸ் குஸ்சுடன் சேர்த்து, எல்லாவற்றையும் நன்கு கலந்து விடவும். இரண்டு நிமிடத்திற்கு மிதமான தீயில் கிளறிவிட்டால் குஸ் குஸ் தயார்

- நமது நிருபர் -:.