கர்நாடக அரசு மேகதாதுவில் அணை கட்ட கோரி, பெங்களூரு ரூரல் அத்திப்பள்ளியில், கன்னட ஜாக்ருதி வேதிகே அமைப்பினர் நேற்று காலை போராட்டம் நடத்தினர். அத்திப்பள்ளி சதுக்கத்தில் இருந்து, கர்நாடகா - தமிழக எல்லை வரை, காலி குடங்களுடன் பேரணியாக சென்றனர்.

சாலையில் அமர்ந்து போராட்டம் நடத்தினர். அவர்களை போலீசார் கைது செய்து வேன்களில் ஏற்றி அழைத்து சென்றனர். போராட்டத்தில் சிறிது நேரம் போக்குவரத்து பாதிப்பு ஏற்பட்டது.