இந்நிலையில், ஜி.பி.ஏ., எனும் கிரேட்டர் பெங்களூரு ஆணையத்திற்கு உட்பட்ட பகுதிகளில் உள்ள, பி பட்டா சொத்துக்களை, ஏ பட்டா சொத்துக்களாக மாற்றும் திட்டத்தை, துணை முதல்வர் சிவகுமார், கடந்த ஆண்டு செப்டம்பரில் கொண்டு வந்தார்.

இத்திட்டத்தின் கீழ் பி பட்டா சொத்துக்களை, ஏ பட்டா சொத்துக்களாக உரிமையாளர் மாற்றி வருகின்றனர். சொத்துக்கள் அடிப்படையில் கட்டணமும் வசூலிக்கப்படுகிறது.

கட்டண அறிவிப்பு இந்நிலையில், மாநிலம் முழுதும் பி பட்டா சொத்துக்களை, ஏ பட்டா சொத்துக்களாக மாற்ற நடவடிக்கை எடுப்பது குறித்து, முதல்வர் சித்தராமையா தலைமையில் விதான் சவுதாவில் நேற்று நடந்த அமைச்சரவை கூட்டத்தில் விவாதிக்கப்பட்டது. அதன்பின், மாநகராட்சி, நகராட்சி, பட்டண பஞ்சாயத்து எல்லைக்கு உட்பட்டு வரும், பத்து லட்சம் சொத்துக்களுக்கு பி பட்டாவில் இருந்து ஏ பட்டா வழங்க, அமைச்சரவையில் ஒப்புதல் அளிக்கப்பட்டது.

ஏ பட்டா இருக்கும் நிலங்களை விற்பதில் பெரிய அளவில் சிரமம் இருக்காது. கர்நாடகாவில் தற்போது சொத்து மதிப்பு உயர்ந்து வரும் நிலையில், பி பட்டா வைத்திருப்போருக்கு, ஏ பட்டா வழங்குவது குறித்து, அரசு வெளியிட்டுள்ள அறிவிப்பு, நல்ல செய்தியாக பார்க்கப்படுகிறது. சொத்துக்களை மாற்றுவதற்கான கட்டணம் பற்றிய அறிவிப்பு வெளியிடப்படவில்லை. வரும் நாட்களில் கட்டண அறிவிப்பு வெளியாகும்.

சுத்தமான குடிநீர் அமைச்சரவையில் எடுக்கப்பட்ட மேலும் சில முக்கிய முடிவுகள் விபரம்:

 பரப்பன அக்ரஹாரா உட்பட மாநிலத்தின் பல சிறைகளில் உள்ள, 33 ஆயுள் தண்டனை கைதிகளை, நன்னடத்தை அடிப்படையில் விடுவிக்கப்பட உள்ளனர்.

 பெங்களூரில் உள்ள கர்நாடக சோப் அன்ட் டிடர்ஜென்ட் நிறுவனத்திற்கு, 17.70 கோடி ரூபாய் செலவில் சோப்பு தயாரிக்கும் இயந்திரம் வாங்கப்படும்.

 கோலார் ஏ.பி.எம்.சி., மார்க்கெட்டில், 24.96 கோடி ரூபாய் செலவில் கழிவு அலகு அமைக்கப்படும்.

 பெங்களூரு ஜெயநகர் மருத்துவ கல்வி இயக்குனரகத்தின் 2 வது கட்டுமான பணிகளுக்கு 24 கோடி ரூபாய் ஒதுக்கப்பட்டுள்ளது.

 சிக்கபல்லாபூரில் உள்ள நந்தி மருத்துவ கல்லுாரி மற்றும் ஆராய்ச்சி நிறுவனத்தின் புதிய மருத்துவமனை மற்றும் மாவட்ட மருத்துவமனைக்கு தேவையான இயந்திரங்கள், தளவாடங்கள் வாங்க 40 கோடி ரூபாயில் வாங்கப்படும்.

* சாம்ராஜ்நகர் மாவட்டத்தில் 166 கிராமங்களுக்கு சுத்தமான குடிநீர் வழங்குவதற்காக பராமரிப்பு பணிகளை செயல்படுத்த 33.04 கோடி ரூபாய் வழங்கப்படும்.

 பெங்களூரு, துமகூரு, ராய்ச்சூரில் காங்கிரஸ் பவன் கட்ட நிலம் ஒதுக்கப்படும்.

கருணை வேலை  கடந்த ஆண்டு நவம்பர், 25ம் தேதி கார் விபத்தில் மரணம் அடைந்த, ஐ.ஏ.எஸ்., அதிகாரி மஹாந்தேஷ் பீலகி மகள் சைதன்யாவுக்கு, கருணை அடிப்படையில் குரூப் சி பிரிவு வேலை வழங்கப்படும்.

 கலபுரகியில், 50 கோடி ரூபாய் செலவில் மெகா பால் பண்ணை அமைக்கப்படும்.

 மத்திய அரசின் விபி ஜி ராம் ஜி சட்டத்திற்கு எதிராக, உச்ச நீதிமன்றத்தில் சட்ட போராட்டம் நடத்தப்படும்

 மாநிலத்தின் 31 மாவட்டங்கள், ஐந்து போலீஸ் கமிஷனர் அதிகாரத்திற்கு உட்பட்ட பகுதிகளில், உள்துறையுடன் இணைந்து, பெண்கள் பாதுகாப்புக்காக அக்கா படை திட்டத்தை செயல்படுத்தப்படும்.

 மைசூரு மற்றும் அதனை சுற்றியுள்ள மாவட்டங்களை சேர்ந்த பட்டு விவசாயிகளை ஆதரிப்பதற்காக, மைசூரில் பட்டு கூடு சந்தை, 20 கோடி ரூபாயில் செலவில் நிறுவப்படும்.

இந்த விபரங்களை சட்ட அமைச்சர் எச்.கே.பாட்டீல் தெரிவித்தார்.