 கமலஹாசனின், 'தக் லைப்' படத்தை கர்நாடகாவில் வெளியிட கோர்ட் அனுமதி அளித்தும், சினிமா வினியோகஸ்தர்கள் யாரும் படத்தை திரையிட முன்வராததால், அப்படம் வெளியாகவில்லை.

 ரஜினியின், 'கூலி' திரைப்படத்திற்கான டிக்கெட் விற்பனை துவங்கிய முதல், 30 நிமிடத்திலே பெங்களூரில், 10,000 டிக்கெட்டுகள் விற்று புதிய சாதனை படைக்கப்பட்டது. அதுபோல, முதல் நாள் டிக்கெட் 2,000 ரூபாய் வரைக்கும் விற்றது.

 இந்த ஆண்டு தர்ஷனின், 'டெவில்', கிச்சா சுதீப்பின், 'மார்க்', சிவராஜ் குமார், உபேந்திரா இணைந்து நடித்த, '45', ரிஷப் ஷெட்டியின், 'காந்தாரா அத்தியாயம் 1' போன்றவை வெளியாகி ரசிகர்களை குஷிபடுத்தின.

 'காந்தாரா அத்தியாயம் 1' படம், 850 கோடி ரூபாய் வசூல் செய்து, தேசிய அளவில் பிரபலமடைந்தது. 'சு ப்ரம் சோ' 5 கோடி ரூபாயில் எடுக்கப்பட்ட படம், 125 கோடி வசூலித்து சாதனை படைத்தது. இவை இரண்டும், 2025ல், 'பிளாக் பஸ்டர்' திரைப்படங்களாகும்.

 அனிமேஷன் படமான, 'மகாஅவதார் நரசிம்மர்' தேசிய அளவில் ரசிகர்கள் மத்தியில் வரவேற்பை பெற்றது. 250 கோடி ரூபாய் வசூலித்து சாதனை படைத்தது.

 'மார்க்' திரைப்பட விழாவில், கிச்சா சுதீப் பேசிய வசனங்கள் தர்ஷனை அவமானப்படுத்தும் வகையில் இருந்ததாக கூறி, இருவரின் ரசிகர்களும் சமூக வலைதளங்களில் சண்டை போட்டுக் கொண்டனர்.

 நடிகை ரம்யாவுக்கு ஆபாச குறுந்தகவல்கள் அனுப்பிய தர்ஷன் ரசிகர்கள், 12 பேரை பெங்களூரு சைபர் போலீசார் கைது செய்தனர்.