கடந்த ஜனவரியில் உள்ளாட்சி பிரதிநிதிகளின் பதவிக்காலம் முடிந்தது. இதையடுத்து, ஊராட்சி செயலர்கள் தங்களுக்கு விருப்பமான ஊராட்சிகளில் பணியாற்ற விருப்பம் தெரிவித்து, பணி மாறுதல் கோரி திருவாலங்காடு பி.டி.ஓ.,விடம் விண்ணப்பித்தனர்.

மூன்று மாதங்கள் கடந்த நிலையில், மாறுதலுக்கான ஆணை பிறப்பிக்கப்படாமல் உள்ளது. இதனால் அவர்கள் அதிருப்தி அடைந்துள்ளனர்.

இதில், ஆளுங்கட்சி பிரமுகர்களின் தலையீடு உள்ளதால், ஊரக வளர்ச்சி துறை அதிகாரிகள் மாறுதல் வழங்க தயக்கம் காண்பிக்கின்றனர். எனவே, விரைந்து பணி மாறுதல் வழங்க, கலெக்டர் பிரதாப் நடவடிக்கை எடுக்க வேண்டும் என, அவர்கள் வலியுறுத்தியுள்ளனர்.