கடந்த டிசம்பரில் இது 5.22 சதவீதமாகவும்; கடந்தாண்டு ஜனவரியில் 5.10 சதவீதமாகவும் இருந்தது குறிப்பிடத்தக்கது. கடந்த மாதம், பணவீக்கம் நகர்ப்புறங்களில் 3.87 சதவீதமாகவும்; ஊரகப் பகுதிகளில் 4.64 சதவீதமாகவும் இருந்தது.

ஜனவரியில் உணவுப் பிரிவு பணவீக்கம் 6.02 சதவீதமாக குறைந்துள்ளது. கடந்தாண்டு ஆகஸ்டில் 5.66 சதவீதமாக இருந்த நிலையில், அதன் பிறகு இதுவே குறைவாகும்.

பணவீக்கத்தை 4 சதவீதத்துக்குள் பராமரிக்க, மத்திய அரசு ரிசர்வ் வங்கிக்கு இலக்கு நிர்ணயித்துள்ளது. கடந்த அக்டோபர் மாதம் முதல் தொடர்ந்து குறைந்து வரும் பணவீக்கம், இனி வரும் மாதங்களில் மேலும் குறையும் என்று எதிர்பார்க்கப்படுகிறது.

அவ்வாறு நடக்கும்பட்சத்தில், ரெப்போ வட்டி விகிதம் மேலும் 25 அடிப்படை புள்ளிகள் குறைக்கப்படுவதற்கான வாய்ப்பு அதிகரிக்கும் என, நிபுணர்கள் கருத்து தெரிவிக்கின்றனர்.