கண்மூடித்தனமாக அனுமதிக்க முடியாது'

அன்னிய நேரடி முதலீடுகள் மீதான கட்டுப்பாடு தொடரும் என, அமெரிக்காவில் பயணம் மேற்கொண்டுள்ள மத்திய நிதியமைச்சர் நிர்மலா சீதாராமன் கூறினார். முதலீடுகள் வேண்டும் என்பதற்காக, கண்ணை மூடிக்கொண்டு அனுமதி அளிக்க முடியாது என்று அவர் தெரிவித்தார்.
இந்தியாவின் புவி அரசியல் சூழலை கருத்தில் கொண்டு, உள்நாட்டு வணிகத்தின் பாதுகாப்பை உறுதி செய்யும் வகையில், அன்னிய நேரடி முதலீடுகள் கண்காணிக்கப்படும் என்றும் அமைச்சர் கூறினார். மின்சார வாகனங்கள், செமிகண்டக்டர்கள், செயற்கை நுண்ணறிவு தொழில்நுட்பம் ஆகிய துறைகளில் முதலீடு மற்றும் வர்த்தகம் தொடர்பாக 2020 முதல் இந்தியா, சீனா இடையே பிரச்னை நீடிக்கும் நிலையிலும், எல்லையில் ராணுவ ரோந்து நடவடிக்கையை விலக்கிக்கொள்ள உடன்பாடு ஏற்பட்டுள்ள சூழலிலும் நிர்மலா சீதாராமனின் இந்த கருத்து வெளியாகியுள்ளது.