இந்திய பாதுகாப்புத் துறையில் பழைய விமானங்களை நீக்கிவிட்டு, புதிய விமானங்களைச் சேர்க்க வேண்டிய கட்டாயம் ஏற்பட்டுள்ளது.

அடுத்த 7 - 8 ஆண்டுகளில், கிட்டத்தட்ட 200 போர் விமானங்களும், அடுத்த 12 - 15 ஆண்டுகளில், 400க்கும் மேற்பட்ட விமானங்களும் தேவைப்படும் என கணிக்கப்பட்டுள்ளது.

சந்தை நிபுணர்களின் கருத்து

 போர் விமானங்களுக்கான, 40 - -50 சதவீத உதிரிபாகங்கள் உள்நாட்டிலேயே தயாரிக்கப்பட வாய்ப்புள்ளதால், 'ஹிந்துஸ்தான் ஏரோநாட்டிக்ஸ்' நிறுவனத்துக்கு பிரகாசமான வாய்ப்பு இருக்கிறது

 கடற்படையைப் பலப்படுத்த, அடுத்த 2 ஆண்டுகளில் 1.5 - 2 லட்சம் கோடி ரூபாய் மதிப்பிலான ஆர்டர்கள் வரக்கூடும் என்பதால், 'மசாகன் டாக்' மற்றும் 'ஜி.ஆர்.எஸ்.இ.,' ஆகிய பொதுத்துறை நிறுவனங்கள் பெரும் பயனடையும். குறிப்பாக 'மசாகன் டாக்' நிறுவனத்தின் ஆர்டர் புக் வலுவாக உள்ளதால், அதன் வருவாய் கணிசமாக உயரும்

 ஏவுகணை அமைப்புகள், டிரோன்கள், ராக்கெட் அமைப்புகள் போன்ற துறைகளில், 'சோலார் இண்டஸ்ட்ரீஸ்' நிறுவனத்தின் ஆர்டர் வரவு வலுவாக தொடர்கிறது

 'மேக் இன் இந்தியா' திட்டத்தின் கீழ், உள்நாட்டுத் தயாரிப்புகளுக்கு முன்னுரிமை அளிக்கப்படுவதால், பாதுகாப்புத் துறை பங்குகள் நீண்ட கால அடிப்படையில் முதலீட்டாளர்களின் கவனத்தை ஈர்த்து வருகின்றன

 பாதுகாப்புத்துறை தொடர்புடைய நிறுவனப் பங்குகள், தற்போது அவற்றின் உண்மையான மதிப்பை விட அதிகமாக வர்த்தகமாகின்றன. எனவே, இந்தப் பிரிவில் முதலீடு செய்யும் போது சற்று நிதானமாகச் செயல் படுவது அவசியம்.