முக்கிய வணிகப் பிரிவுகள்

இந்நிறுவனம், ஒட் டுமொத்த சந்தையில், சிகை பராமரிப்பு வணிகப் பிரி வில் 50 சதவீத சந்தையையும், முகப் பராமரிப்பு சந்தையில் 37 சதவீதத்தையும், துணி பராமரிப்பு பிரிவில் 45 சதவீத சந்தையையும் வைத்துள்ளது. பல்வேறு வணிகப் பிரிவுகளில் போட்டி நிறுவனங்களை விட, 2-4 மடங்கு அதிக சந்தையை வைத்துள்ளது.

எனவே, நிறுவனம் செயல்படும் பெரும்பாலான பிரிவுகளில், அதன் பிராண்டுகள், சந்தையின் முதல் இரண்டு இடங்களைப் பிடித்துள்ளன. மேலும் நிறுவனத்தின் 85 சதவீதத்துக்கும் மேற்பட்ட வணிகம் முதல் இடத்தில் என்ற சந்தை நிலைப்பாட்டில் செயல்படுகிறது.

இதற்கு, நிறுவனத்தின் வினியோகம், பல்வேறு ஆண்டுகளாக நீடித்துவரும் தலைமைத்துவம் ஆகியவையே காரணம். கிட்டத்தட்ட இந்தியாவில் 90 லட்சம் சில்லரை கடைகளை, இந்நிறுவனத்தின் பொருட்கள் சென்றடைகி ன்றன.

வருவாய் பங்கீடு (2024--25 நிதியாண்டு)

எச்.யு.எல்., தனது அழகு மற்றும் தனிநபர் பராமரிப்பு பிரிவை, ஏப்ரல் 1, 2024 முதல் 'அழகு மற்றும் நலவாழ்வு' மற்றும் 'தனிநபர் பராமரிப்பு' என இரண்டாகப் பிரித்துள்ளது.

கையகப்படுத்துதல்கள்

எச்.யு.எ ல்., நிறுவனம், அதன் வளர்ச்சியை விரிவுபடுத்த, பாண்ட்ஸ் இந்தியா, லேக்மே, இந்துலேகா, ஜி.எஸ்.கே.சி.எச்., போன்ற நிறுவனங்களை கையகப்படுத்தியது. சமீபத்தில் 'மினிமலிஸ்ட்' நிறுவனத்தின் 90.5 சதவீத பங்குகளையும், ஓஜிவா நிறுவனத்தின் 51 சதவீத பங்குகளையும் கையகப்படுத்தியது.

வளர்ச்சிக்கான சவால்கள்

கடந்த 2024--25 நிதியாண்டில், செயல்பாட்டு வருவாய் இரண்டு சதவீதம் மட்டுமே வளர்ச்சி கண்டது. இது, அதிக பணவீக்கம் மற்றும் நகர்ப்புற சந்தையில் தேவை குறைவாக இருந்ததால் ஏற்பட்டதாகும். ஜி.எஸ்.டி., வரி சீரமைப்பால் ஏற்பட்ட விலை மாற்றங்களைச் சரிசெய்ய வேண்டியிருந்ததால், சந்தையில் ஒரு மந்தநிலை ஏற்பட்டது. தற்போது, இந்நிறுவனப் பொருட்களில் 50 சதவீதம் ஐந்து சதவீத வரி விகிதத்தில் உள்ளன.

காலாண்டு முடிவுகள்

நடப்பு நிதியாண்டின் இரண்டாவது காலாண்டில், மொ த்த வருவாய் இரண்டு சதவீதம் அதிகரித்து, 16,250 கோடி ரூபாயாக உள்ளது. ஜி.எஸ்.டி., மாற்றத்தால் விற்பனை வளர்ச்சி இரண்டு சதவீதம் குறைந்தது.

வீட்டு பராமரிப்பு பிரிவில் விலை குறைக்கப்பட்டதால், வருவாய் ஒரு சதவீதம் குறைந்தது. விற்பனை வளர்ச்சி, ஒற்றை இலக்க சதவீதமாக இருந்தது.

அழகு மற்றும் நலவாழ்வு பிரிவு விற்பனை மந்தநிலையில் நீடித்தாலும், தோல் பராமரிப்பு மற்றும் 'கலர் காஸ்மட்டிக்ஸ்' விற்பனை அதிகரித்ததால் வருவாய் ஒன்பது சதவீதம் உயர்வைக் கண்டது.

தனிநபர் பராமரிப்பு பிரிவில் விற்பனை ஒற்றை இலக்க அளவில் குறைந்தாலும், கட்டுப்பாடான விலை உயர்வுகள் ஆதரவாக இருந்தன. இ.பி.ஐ.டி., வரம்பு 340 புள்ளிகள் அதிகரித்து, 20.30 சதவீதமாக உள்ளது.

உணவு மற்றும் இளைப்பாறல் பிரிவில், குளிர்பானங்கள் இரட்டை இலக்க வளர்ச்சி யை அடைந்தாலும், ஒட்டுமொத்த விற்பனை வளர்ச்சி ஒற்றை இலக்க அளவில் குறைந்தது.

எதிர்பார்ப்புகள், திட்டங்கள்

வரும் காலங்களில் நகர்ப்புறத் தேவை அதிகரிக்கும்; கிராமப்புறத் தேவை அதே நிலையில் நீடிக்கும் என எதிர்பார்க்கப்படுகிறது.

மினிமலிஸ்ட் மற்றும் ஓஜிவா உள்ளிட்ட டிஜிட்டல்- மையப்படுத்தப்பட்ட அழகு மற்றும் நலவாழ்வு பிரிவின் மதிப்பு 3,000 கோடி ரூபாய் ஆகும். இது 25 சதவீதத்துக்கும் அதிகமான வளர்ச்சியைக் கண்டு வருகிறது.

'கோ டூ மார்கெட்' அடிப்படையில், ஒவ்வொரு ஜிப் கோடுக்கும், ஒரு இன்புளூயன்சரை பயன்படுத்தத் திட்டமிட்டுள்ளது.

காலநிலை சார்ந்த மற்றும் அதிக முதலீடு தேவைப்படும் தொழிலாக இருப்பதால், 'குவாலிட்டி வால்ஸ்' ஐஸ்கிரீம் பிரிவை டிசம்பர் முதல் தனியாக பிரிக்க திட்டமிடப்பட்டுள்ளது.

வலுவான சந்தை ஆதிக்கம், கையகப்படுத்துதல்கள் மற்றும் 'டி2சி' பிரிவில் கவனம் செலுத்துவதன் வாயிலாக நிறுவனம் அதன் வளர்ச்சிப் பாதையைத் தக்கவைத்துக் கொள்ள முயல்கிறது.

புதிய தலைமையின் கீழ், ஹிந்துஸ்தான் யுனிலீவர் நிறுவனம், அதிக விற்பனை சார்ந்த வருமான வளர்ச்சியை மேம்படுத்துவதில் கவனம் செலுத்தும் என எதிர்பார்க்கப்படுகிறது. தற்போது, பல்வேறு உத்திகளை மேற்கொண்டு வருவதால், வரும் காலாண்டுகளில் செயல்பாட்டு திறன் வலுப்படும் எனவும் எதிர்பார்க்கப்படுகிறது.