அதை விளிம்பில் வைத்திருப்பது எது? வழக்கம் போல அதே காரணம் தான். வலிமை வாய்ந்த அமெரிக்க டாலர்.

டாலர் வெற்றி மகுடத்தை அணிந்திருந்தாலும், அதை உண்மையிலேயே அதன் சொந்த பலத்தால் பெறவில்லை. இது, வேகமெடுத்து ஓடாமல், மற்றவர்கள் தடுமாறி விழுந்ததால் ஓட்டப்பந்தயத்தில் வென்ற வீரரைப் போன்று இருக்கிறது.

தடுமாறி விழுந்தது யார்? யூரோவும் யென்னும் தான். இந்த இரண்டு முக்கிய நாணயங்களும் சேர்ந்துதான் டாலர் குறியீட்டில் 70%க்கும் அதிகமாகப் பங்களிக்கின்றன.

அமெரிக்காவில் தற்போது ஏழாவது நாளாகப் பகுதி அரசாங்கச் செயல்பாடு முடக்கம் தொடர்வதால் டாலரின் சொந்த சிக்கல்கள் இன்னும் தீரவில்லை.

காலம் கைகொடுக்குமா? உள்நாட்டில், ரூபாய் உறைந்த நிலையில் சிக்கியிருந்தாலும், அடிவானத்தில் ஒரு நம்பிக்கை ஒளி தெரிகிறது — அது இந்தியாவின் ஐ.பி.ஓ.,

அக்டோபர் முதல் டிசம்பர் வரையிலான காலாண்டில் 8 பில்லியன் டாலர் மதிப்புள்ள நிதி திரட்டப்படலாம். இந்த முதலீட்டு வரவுகள் ரூபாய்க்கு சரியான நேரத்தில், ஒரு மெத்தை போன்ற ஆதரவை வழங்க முடியும்.

அவுட்லுக்

தற்போதைக்கு, ரூபாய் ஒரு குறுகிய எல்லைக்குள் நீடிக்கும் என்று எதிர்பார்க்கப்படுகிறது. தொழில்நுட்ப ரீதியாகப் பார்க்கும்போது, 89.00-89.20 என்ற மட்டத்தில் தடை உள்ளது. அதே சமயம் 88.40-88.50 என்ற மட்டத்தில் ஆதரவு நீடிக்கிறது. ரூபாய் 88.20க்கு கீழே நீடித்தால், அது ஒரு மாற்றத்திற்கான முதல் தெளிவான அடையாளமாக இருக்கும்.