தமிழகம் முழுதும், 'சிட்கோ' எனப்படும் சிறு தொழில் வளர்ச்சி நிறுவனம், 8,600 ஏக்கரில் 130 தொழிற்பேட்டைகளை நிர்வகிக்கிறது. அவற்றில் உள்ள மனைகள், சிறு, குறு, நடுத்தர நிறுவனங்களுக்கு ஒதுக்கப்படுகின்றன.

தற்போது, செங்கல்பட்டு, காஞ்சிபுரம், திருவள்ளூர், சேலம், திருவாரூர், துாத்துக்குடி, கடலுார் ஆகிய மாவட்டங்களில், 115 கோடி ரூபாயில், 248 ஏக்கரில் எட்டு தொழிற்பேட்டைகள் அமைக்கப்பட்டு வருகின்றன.

இவை தவிர, அடுக்கு மாடி தொழிற்கூடங்களும் அமைக்கப்பட்டு வருகின்றன.

இதுகுறித்து, சிறு, குறு, நடுத்தர தொழில் துறை அதிகாரி ஒருவர் கூறியதாவது:

அண்ணல் அம்பேத்கர் தொழில் முன்னோடிகள் திட்டத்தின் கீழ், எஸ்.சி., - எஸ்.டி., பிரிவினர் தொழில் துவங்க, திட்ட மதிப்பில் 35 சதவீத மானியத்துடன் கடன் உதவி வழங்கப்படுகிறது.

இதன் வாயிலாக பலரும் தொழில்களை துவக்கி வருகின்றனர். மத்திய அரசின், 'உத்யம்' சான்று பதிவு இருந்தால், இதில் கூடுதல் சலுகைகள் கிடைக்கும். இதை பயனாளிகள் பயன்படுத்தி தொழில் துவங்கலாம்.

இவ்வாறு அவர் கூறினார்.