ஏற்றுமதி

நாட்டின் சர்க்கரை ஏற்றுமதி, நடப்பு பருவத்தில் 8 லட்சம் டன்னாக இருக்கும் என, மத்திய உணவுத்துறை செயலர் சஞ்சீவ் சோப்ரா தெரிவித்து உள்ளார். செப்டம்பருடன் முடிவடையும், 2024- -25ம் ஆண்டுக்கான பருவத்தில், 10 லட்சம் டன் வரை சர்க்கரை ஏற்றுமதி செய்ய, மத்திய அரசு அனுமதி வழங்கி இருந்தது. நடப்பு சீசனில், கடந்த ஜனவரியில் இருந்து சர்க்கரை ஏற்றுமதிக்கு அனுமதி வழங்கப்பட்டது.
இந்தியாவில் இருந்து தற்போது வரை 3 லட்சம் டன் சர்க்கரை ஏற்றுமதி செய்யப்பட்டு உள்ளது. 60,000 டன் சர்க்கரை, துறைமுகங்களில் ஏற்றுமதி செய்ய தயார் நிலையில் உள்ளது. மொத்த ஒதுக்கீட்டில், 8 லட்சம் டன் அளவுக்கு சர்க்கரை ஏற்றுமதி செய்ய உள்ளோம் என அவர் கூறினார்.