டில்லியில் சங்கம் விகார் பகுதியில் 4 மாடி அடுக்குமாடி குடியிருப்பில் நேற்று திடீரென தீப்பற்றியது. தகவல் அறிந்து சம்பவ இடத்திற்கு போலீசார் மற்றும் தீயணைப்பு படை வீரர்கள் விரைந்தனர். நீண்ட நேரம் போராடி தீயை அணைத்தனர். இந்த சம்பவத்தில், பெண் உட்பட 4 பேர் உயிரிந்தனர்.

அவர்களில் ஒருவர் கட்டடத்தின் உரிமையாளர் சதேந்தர் (வயது 38) மற்றும் உயிரிழந்த பெண், கட்டட உரிமையாளரின் சகோதரி அனிதா (வயது 40) என அடையாளம் காணப்பட்டு உள்ளனர். கட்டடத்தின் தரை தளத்தில் உள்ள காலணி விற்பனை செய்யும் கடையில் இருந்து தீ பரவியது முதற்கட்ட விசாரணையில் தெரியவந்தது.

தீப்பற்றியதற்கான காரணம் குறித்து போலீசார் விசாரணை நடத்தி வருகின்றனர்.