அதன்பின் ராஜேஷ் குப்தா, நிருபர்களிடம் கூறியதாவது:

ஆம் ஆத்மி தேசிய ஒருங்கிணைப்பாளரான அரவிந்த் கெஜ்ரிவால், கட்சி நிர்வாகிகளையும் தொண்டர்களையும் பயன்படுத்தி விட்டு துாக்கி எறிந்து விடுகிறார். கட்சியின் வளர்ச்சிக்காக கடுமையாக உழைத்தவர்களை ஒவ்வொருவராக வெளியேற்றினார். அந்தப் பட்டியலில் என்னையும் இப்போது சேர்த்துள்ளனர். அதனாலேயே நான் கட்சியில் இருந்து வெளியேறினேன். மிகுந்த நேர்மையுடனும் விசுவாசத்துடனும் இருந்த என்னிடம் பேசக்கூட கெஜ்ரிவால் தயாராக இல்லை.

இவ்வாறு அவர் கூறினார்.

பரத்வாஜ் வாழ்த்து: டில்லி ஆம் ஆத்மி தலைவர் சவுரவ் பரத்வாஜ், சமூக வலைத்தளத்தில் வெளியிட்டுள்ள பதிவு:

பா.ஜ.,வில் இணைந்துள்ள ராஜேஷ் குப்தாவுக்கு வாழ்த்துகளை தெரிவித்துக் கொள்கிறேன். ஆம் ஆத்மியில் அவருக்கு நான்கு முறை சட்டசபைத் தேர்தலில் போட்டியிட வாய்ப்பு வழங்கப்பட்டது. பிப்ரவரியில் நடந்த தேர்தலில் தோல்வி அடைந்தார்.

மாநகராட்சி இடைத்தேர்தலில், அசோக் விஹார் வார்டில் தன் மனைவிக்கு வாய்ப்பு கேட்டார். ஆனால், கட்சி விதிமுறைப்படிதான் வேட்பாளர்கள் தேர்ந்தெடுக்கப்பட்டனர். தன் கோரிக்கை நிறைவேறாததால் கட்சியை விட்டு வெளியேறி விட்டார்.

இவ்வாறு அவர் கூறியுள்ளார்.

மதிக்க தவறிய கெஜ்ரிவால்: டில்லி பா.ஜ., தலைவர் வீரேந்திர சச்தேவா கூறியதாவது:

ஆம் ஆத்மி தலைவர்கள் தங்களுடைய 12 ஆண்டுகால ஆட்சியில் ஏற்பட்ட குறைபாடுகள் மற்றும் பிரச்னைகளை, பா.ஜ.,வின் எட்டு மாத ஆட்சியில் ஏற்பட்டது போல குற்றம்சாட்டி வருகின்றனர். வஜிர்பூரில் ராஜேஷ் குப்தா ஒரு பொறுப்பான எம்.எல்.ஏ.,வாக தனக்கென ஒரு தனித்துவமான அடையாளத்தை உருவாக்கியுள்ளார்.

ஆனால், அரவிந்த் கெஜ்ரிவால் அந்த அடையாளத்தை மதிக்கத் தவறிவிட்டார். சட்டசபைத் தேர்தலில் தோல்வியடைந்த பின், கெஜ்ரிவால் மற்று மணீஷ் சிசோடியா உள்ளிட்ட முக்கியத் தலைவர்கள் காணாமல் போய் விட்டனர். அக்கட்சியின் ஆதிஷி சிங் மற்றும் கோபால் ராய் ஆகியோர் தான் டில்லி மாநகராட்சி இடைத்தேர்தல் பிரசாரத்தை நடத்தியுள்ளனர்.

இவ்வாறு அவர் கூறினார்.