இது தொடர்பாக மத்திய அரசு வெளியிட்ட அறிக்கையில் கூறியுள்ளதாவது: கடந்த ஜனவரி மாதம் ரூ.1 லட்சத்து 93 ஆயிரத்து 384 கோடி ஜிஎஸ்டி வசூல் ஆகியுள்ளது. இது, முந்தைய ஆண்டு ஜனவரி மாதத்தை காட்டிலும் 6.2 சதவீதம் அதிகம்.

அதில்,

* சிஜிஎஸ்டி- ரூ. 38,792 கோடி,

* எஸ்ஜிஎஸ்டி- ரூ. 47,817 கோடி,

* ஐஜிஎஸ்டி- ரூ.1,06,775 கோடி வசூல் ஆகியுள்ளது.

மாநில அளவில் ஒப்பிடும்போது, ஹரியானா 27 சதவீதமும், மஹாராஷ்டிரா 15 சதவீதமும், குஜராத் 13 சதவீதமும், இமாச்சல் 18 சதவீதமும், பஞ்சாப் 12 சதவீதமும், தமிழகம் 5 சதவீதமும், கர்நாடகா 7 சதவீதமும் ஜிஎஸ்டி வரி வசூல் அதிகரித்துள்ளது. இவ்வாறு அதில் தெரிவிக்கபட்டு உள்ளது.

முந்தைய மாத ஜிஎஸ்டி வசூல் விவரம்

* டிசம்பர் மாதம் (2025) - ரூ.1.75 லட்சம் கோடி

* நவம்பர் மாதம் (2025) - ரூ.1.70 லட்சம் கோடி

* அக்டோபர் மாதம் (2025) - ரூ.1.96 லட்சம் கோடி

* செப்டம்பர் மாதம் (2025) - ரூ.1.89 லட்சம் கோடி

* ஆகஸ்ட் மாதம் (2025) - ரூ.1.86 லட்சம் கோடி

* ஜூலை மாதம் (2025) - ரூ.1.96 லட்சம் கோடி

* ஜூன் மாதம் (2025)- ரூ.1.84 லட்சம் கோடி