பெங்களூரில் ஹிந்து அறநிலைய துறை அமைச்சர் ராமலிங்க ரெட்டி தலைமையில், நேற்று மாநில சமய பேரவை கூட்டம் நடந்தது. கூட்டத்தில் எடுக்கப்பட்ட முக்கிய முடிவுகள்:

 ஜம்மு காஷ்மீரில் உள்ள வைஷ்ணவி தேவி கோவிலுக்கு செல்லும் கர்நாடகா பக்தர்களுக்கு, உதவித்தொகை வழங்கப்படும்

 மாநிலத்தில் பல்வேறு மாவட்டங்களில் வக்பு சொத்து பிரச்னை ஏற்பட்டு உள்ளதால், ஹிந்து அறநிலைய துறையின் கீழ் உள்ள கோவில்களின் சொத்துகளை பாதுகாக்க, அரசு நடவடிக்கை எடுத்து, உடனடியாக கணக்கெடுப்பு நடத்த முடிவு

 பெங்களூரு எம்.எஸ்.கட்டடம் எதிரில் உள்ள அறநிலைய துறைக்கு சொந்தமான இடத்தில், 10 கோடி ரூபாய் செலவில், சமய கட்டடம் கட்டுதல்

 மைசூரு சமஸ்கிருத மஹாராஜா கல்லுாரியை சீரமைக்க, தேவையான மானியம் வழங்கப்படும்

 அறநிலைய துறைக்கு சொந்தமான கோவில் நிலங்களை கண்டுபிடித்து, அந்த நிலங்கள் ஆக்கிரமிக்கப்பட்டிருந்தால், மீட்க நடவடிக்கை

 விரைவில் பதவி காலம் முடியவுள்ள 14 கோவில்களின் நிர்வாக கமிட்டிக்கு, நிர்வாக அதிகாரியை நியமிக்க முடிவு

 பேலுார் ஸ்ரீசென்னகேசவா கோவில் நிர்வாக கமிட்டியில் காலியாக உள்ள பதவிக்கு விரைவில் உறுப்பினர்களை நியமிக்க முடிவு.

ராமலிங்க ரெட்டி