தயங்குவது ஏன்?

ஒரு வெளிநாட்டு தொழிலதிபர் மோடியை விமர்சிக்கிறார். நாட்டின் முடிவெடுக்கும் அதிகாரத்துக்கு சவால் விடுகிறார். இங்குள்ள வளங்களை பயன்படுத்துவது குறித்து அவர் கட்டளையிடுவதை ஏற்க முடியாது. அவருக்கு பதிலளிக்க மத்திய அரசும், பா.ஜ.,வும் தயங்குவது ஏன்? எலான் மஸ்க்கை கண்டு பயப்படுவது ஏன்?
- அசாதுதீன் ஓவைசி
லோக்சபா எம்.பி.,
ஏ.ஐ.எம்.ஐ.எம்., கட்சி

மன்னிக்கவே வேண்டாம்!

நகர்ப்புற நக்சல்களுக்கும், தேசபக்தி நிறைந்தவர்களுக்கும் இடையே போர்க்களம் உருவாக்கப்பட்டுள்ளது. இது, அரசியலமைப்பை நம்புபவர்களுக்கும், அராஜகவாதிகளுக்கும் இடையிலானது. மக்களே, எதிரிகளை ஒருமுறை மன்னியுங்கள்; நண்பர்களை இருமுறை மன்னியுங்கள். துரோகிகளை ஒருபோதும் மன்னிக்க வேண்டாம்.
- கிரண் ரிஜிஜு
மத்திய அமைச்சர், பா.ஜ.,