நவம்பர் 11 அன்று சத்தீஸ்கரின் பிஜாப்பூர் மாவட்டத்தில் உள்ள இந்திராவதி தேசிய பூங்காவிற்குள் உள்ள காடுகளில் நக்சல்கள் பதுங்கி உள்ளதாக உளவுத்துறை தகவலைப் பெற்றதைத் தொடர்ந்து பிஜாப்பூர் டிஆர்ஜி, தண்டேவாடா டிஆர்ஜி, எஸ்டிஎப் மற்றும் பிற பாதுகாப்புப் படையினர் ஒரு நடவடிக்கையை மேற்கொண்டனர். இந்த நடவடிக்கையின் போது, ​​பாதுகாப்புப் படையினருக்கும் மாவோயிஸ்டுகளுக்கும் இடையே பல மோதல்கள் நடந்தன. இதில் நக்சல்கள் 6 பேர் கொல்லப்பட்டனர்.என்கவுன்டருக்குப் பிறகு, மூன்று பெண்கள் உட்பட ஆறு மாவோயிஸ்டுகளின் இறந்த உடல்கள் சம்பவ இடத்திலிருந்து மீட்கப்பட்டன.

பிஜாப்பூர் போலீஸ் அதிகாரி ஜிதேந்திர யாதவ் கூறியதாவது:

சத்தீஸ்கர் என்கவுன்டரில் ரூ.27 லட்சம் அறிவிக்கப்பட்டிருந்த நக்சல்கள் 6 பேர் கொல்லப்பட்டனர். கொல்லப்பட்ட ஆறு நக்சலைட்டுகளில் மத்திய பகுதிக் குழுவின் தலைவரான பிரதேசக் குழு உறுப்பினர் கண்ணா மற்றும் பகுதிக் குழு உறுப்பினர் ஜகத்,கேடர்கள் மங்களி, பகத், ஊர்மிளா மற்றும் தேவே என அடையாளம் காணப்பட்டனர். மேலும் ஏகே-47, எல்எம்ஜி, ஐஎன்எஸ்ஏஎஸ் துப்பாக்கிகள் உள்ளிட்ட ஏராளமான ஆயுதங்களும் அந்த இடத்திலிருந்து மீட்கப்பட்டன.

கண்ணா என்கிற புச்சன்னா 35, ரூ.8 லட்சம் சன்மானமாக அறிவிக்கப்பட்டிருந்தார்.மேலும் தெற்கு பஸ்தரில் மிகவும் அச்சுறுத்தும் மாவோயிஸ்ட் தலைவர்களில் ஒருவராகக் கருதப்பட்டார்.

கடந்த பத்தாண்டுகளில் பாதுகாப்புப் படையினர், பொதுமக்கள் மற்றும் உள்கட்டமைப்புக்கு எதிராக பல பெரிய தாக்குதல்களை நடத்தியதாக அவர் மீது குற்றம் சாட்டப்பட்டது, மேலும் 42 குற்றவியல் வழக்குகளை எதிர்கொண்டார், 18 கைது வாரண்டுகள் நிலுவையில் உள்ளன.

2008 கொங்குப்பள்ளி காவல் நிலையத் தாக்குதல் மற்றும் 2016 நுக்னார்பால் முகாம் தாக்குதலிலும் அவர் ஈடுபட்டிருந்தார். அவரது மரணம், இந்தப் பகுதியில் மாவோயிஸ்ட் பயங்கரவாதத்தின் நீண்ட மற்றும் வன்முறை அத்தியாயத்தின் முடிவைக் குறிக்கிறது.

ரூ.8 லட்சம் சன்மானம் அறிவிக்கப்பட்டிருந்த ஊர்மிளா, இந்தப் பகுதியில் மிகவும் வன்முறை நிறைந்த மாவோயிஸ்ட் பிரிவுகளில் ஒன்றான பாமெட் பகுதி குழுவின் செயலாளராகப் பணியாற்றினார்.

பிஜாப்பூர் மாவட்டத்தில் இந்த ஆண்டு இதுவரை 144 மாவோயிஸ்ட்கள் கொல்லப்பட்டுள்ளனர், 499 பேர் கைது செய்யப்பட்டுள்ளனர், 560 பேர் சரணடைந்துள்ளனர்.மாவோயிஸ்ட் அமைப்பு முற்றிலுமாக முடக்கப்பட்டுள்ளது.

இவ்வாறு ஜிதேந்திர யாதவ் கூறினார்.