கொலை மிரட்டல் வழக்கில் குற்றப்பத்திரிகை தாக்கல் செய்யக் கோரி சென்னை ஐகோர்ட்டில் மனுத் தாக்கல் செய்யப்பட்டது. இந்த வழக்கை இன்று (ஜன.,30) நீதிபதி பி.வேல்முருகன் விசாரித்தார். அப்போது அவர் கூறியதாவது:

* தமிழகத்தில் பல வழக்குகளில் உரிய காலத்திற்குள் குற்றப் பத்திரிகை தாக்கல் செய்யப்படுவதில்லை.

* ஐகோர்ட்டை நாட முடியாத ஏழைகள், நீதியைப் பெற போராட வேண்டியுள்ளது.

* கோர்ட் உத்தரவுகளை போலீசார் பின்பற்றுவதில்லை.

* வழக்குகளில் போலீஸ் குறித்த காலத்திற்குள் குற்றப்பத்திரிகை தாக்கல் செய்யாமல் இருக்கின்றனர்.

* குற்றப் பத்திரிகை தாக்கல் தொடர்பான வழக்கில் நாளை உள்துறை செயலாளர் நேரில் ஆஜராக வேண்டும். இவ்வாறு சென்னை ஐகோர்ட் உத்தரவிட்டது.