நம் அண்டை நாடான சீனாவின் தியான்ஜினில் கடந்த செப்., 1ம் தேதி, எஸ்.சி.ஓ., எனப்படும் ஷாங்காய் ஒத்துழைப்பு அமைப்பின் கூட்டத்தில் பங்கேற்ற நம் பிரதமர் மோடி, ரஷ்ய அதிபர் புடினை சந்தித்து பேசினார். அப்போது, இந்தியாவுக்கு வரும்படி புடினுக்கு மோடி அழைப்பு விடுத்தார்.

இந்நிலையில், அந்த அழைப்பை ஏற்று, புடின் வரும் டிசம்பர் 4 மற்றும் 5ம் தேதிகளில் நம் நாட்டிற்கு வருகை தர உள்ளதாக வெளியுறவுத்துறை உறுதிப்படுத்தியுள்ளது.

இதுகுறித்து வெளியுறவு அமைச்சகம் வெளியிட்ட அறிக்கை:

ரஷ்ய அதிபர் விளாடிமிர் புடின், இரு நாடுகளுக்கு இடையே நடக்கும், 23வது உச்சி மாநாட்டில் பங்கேற்க உள்ளார்.

இந்த மாநாட்டில் பிரதமர் மோடியை சந்தித்து, புடின் பேச்சு நடத்த உள்ளார். இந்த சந்திப்பு, இருதரப்பு உறவுகளில் ஏற்பட்டுள்ள முன்னேற்றத்தை மதிப்பாய்வு செய்யவும், ஒத்துழைப்பை வலுப்படுத்தவும் உதவும்.

இதுதவிர, பிராந்திய மற்றும் உலகளாவிய பிரச் னைகள் குறித்து கருத்துகள் பரிமாறவும் இச்சந்திப்பு ஒரு வாய்ப்பை ஏற்படுத் தும். இதன்பின் ஜனாதிபதி திரவுபதி முர்மு, அதிபர் விளாடிமிர் புடினை வர வேற்று விருந்தளிக்கவும் ஏற் பாடு செய்யப்பட்டுள்ளது.

இவ்வாறு இதில் குறிப்பிடப்பட்டுள்ளது.

இதேபோல் ரஷ்ய அதிபர் மாளிகையான கிரெம்ளின் வெளியிட்ட அறிக்கையில், 'அதிபர் புடினின் இந்திய வருகை, இரு நாடுகளுக்கும் முக்கிய தருணமாக அமையும். ராணுவம், எரிசக்தி, வர்த்தகம், பொருளாதாரம், அறிவியல், தொழில்நுட்பம், கலா சாரம் உள்ளிட்ட துறை களில் இரு நாடுகளுக்கு இடையிலான ஒத்துழைப்பை மேம்படுத்துவது குறித்து விரிவாக விவாதிக்கப்படும்.

'சர்வதேச மற்றும் பிராந்திய பிரச்னைகளையும் பரிசீலிக்க இச்சந்திப்பு ஒரு வாய்ப்பை ஏற்படுத்தி தரும்' என, குறிப்பிட்டு உள்ளது.

கிழக்காசிய நாடான உக்ரைன் மீது ரஷ்யா போர் தொடுத்தபின் ரஷ்ய அதிபர் விளாடிமிர் புடினின் முதல் இந்திய பயணம் இது என்பதால், முக்கியத்துவம் வாய்ந்ததாக கருதப்படுகிறது. இதற்கு முன், 2021 டிசம்பர் மாதம், இந்தியாவிற்கு புடின் வந்தார்.

ரஷ்யாவிடம் இருந்து கச்சா எண்ணெய் கொள்முதல் செய்வதற்கு எதிர்ப்பு தெரிவித்து, அமெரிக்க அதிபர் டிரம்ப், நம் நாட்டின் மீது கூடுதல் வரிகளை விதித்தார்.

இதையடுத்து, ரஷ்யாவுடன் கச்சா எண்ணெய் வாங்குவதை மத்திய அரசு குறைத்துள்ள நிலையில், ரஷ்ய அதிபர் புடினின் இந்திய வருகை பெரும் எதிர்பார்ப்பை ஏற்படுத்திஉள்ளது.