திருப்பூர்: திருப்பூர் சிக்கண்ணா அரசு கலைக்கல்லுாரி மாணவர், டில்லியில் நடக்கும் குடியரசு தின அணிவகுப்பை பார்வையிட தேர்வாகியுள்ளார்.

டில்லியில் நடைபெறும் குடியரசு தின அணிவகுப்பை பார்வையிட கோவை, பாரதியார் பல்கலை சார்பில் இரண்டு மாணவர்கள் விருந்தினராக பங்கேற்க தேர்வாகியுள்ளனர். இதில் ஒருவர் சிக்கண்ணா அரசு கலைக்கல்லுாரி என்.எஸ்.எஸ்., அலகு 2 மாணவர் பூபதி ஆகாஷ் (இரண்டாம் ஆண்டு வேதியியல் துறை). இவர் ஒருவர் மட்டுமே அரசுக் கல்லுாரியையும் திருப்பூர் மாவட்டத்தையும் சேர்ந்தவர்.

இவரை பாரதியார் பல்கலை என்.எஸ்.எஸ்., ஒருங்கிணைப்பாளர் பார்த்தசாரதி, கல்லூரி முதல்வர் கிருஷ்ணன், அலகு 2 திட்ட அலுவலர் மோகன்குமார், துறைத்தலைவர்கள், பேராசிரியர்கள் மற்றும் என்.எஸ்.எஸ். மாணவ, மாணவியர் வழியனுப்பினர்.