வால்பாறை:
வால்பாறையில் நான்கு தேர்வு மையங்களில், மாணவர்கள் பிளஸ் 2 தேர்வு எழுதுகின்றனர்.

தமிழகத்தில் மார்ச், 3ம் தேதி, பிளஸ் 2 தேர்வு துவங்குகிறது. பொள்ளாச்சி கல்வி மாவட்டத்துக்கு உட்பட்ட வால்பாறை தாலுகாவில், மொத்தம் உள்ள, 7 பள்ளிகளில் படிக்கும், 395 மாணவர்கள் பிளஸ் 2 பொதுத்தேர்வு எழுதுகின்றனர்.

மாணவர்கள் தேர்வு எழுத வசதியாக அட்டகட்டி, சோலையாறுடேம், வால்பாறை அரசு மேல்நிலைப்பள்ளிகள், துாய இருதய மேல்நிலைப்பள்ளி ஆகிய நான்கு பள்ளிகளில், பிளஸ் 2 தேர்வு மையங்கள் அமைக்கப்பட்டுள்ளன.

தேர்வுக்கான வினாத்தாள்கள், வால்பாறை மகளிர் மேல்நிலைப்பள்ளி வகுப்பறையில் வைக்கப்பட்டு, துப்பாக்கி ஏந்திய போலீசார் பாதுகாப்பு பணியில் ஈடுபட்டுள்ளனர்.