திருவல்லிக்கேணி: அடிப்படை வசதிகள் வழங்க கோரி, விக்டோரியா விடுதி மாணவர்கள் உள்ளிருப்பு போராட்டத்தில் ஈடுபட்டனர்.

திருவல்லிக்கேணி விக்டோரியா விடுதி சாலையில் விக்டோரியா மாணவர்கள் விடுதி செயல்பட்டு வருகிறது. அங்கு, 100க்கும் மேற்பட்ட மாணவர்கள் தங்கி படித்து வருகின்றனர். ஆனால் அடிப்படை வசதிகளான, குடிநீர், கழிப்பறை உள்ளிட்டவை இல்லாமல், மாணவர்கள் அவதிப்பட்டு வருகின்றனர்.

இந்த நிலையில், நேற்று காலை, மாணவர்கள் திடீரென உள்ளிருப்பு போராட்டத்தில் ஈடுபட்டனர். கல்லுாரி நிர்வாகம் அவர்களுடன் பேச்சுவார்த்தை நடத்தி, அடிப்படை வசதிகளை ஏற்படுத்தி தருவதாக உறுதியளித்ததை அடுத்து, போராட்டம் கைவிடப்பட்டது.