கோவை: மாநில அளவில், அனைத்து நிகர்நிலை பல்கலை மாணவ, மாணவியருக்கான கால்பந்து போட்டி, 20ம் தேதி முதல், 22ம் தேதி வரை, காருண்யா பல்கலையில் நடக்கிறது.

காருண்யா பல்கலை உடற்கல்வி இயக்குனர் காலேப்ராஜ் மற்றும் உதவி உடற்கல்வி இயக்குனர் சத்தியகுமார் ஆகியோர் கூறியதாவது: தமிழ்நாடு விளையாட்டு மேம்பாட்டு ஆணைய நிதியுதவி மூலம் அனைத்து நிகர்நிலை பல்கலை மாணவ, மாணவியருக்கான கால்பந்து போட்டி, இரண்டாம் ஆண்டாக கோவை காருண்யா பல்கலையில் நடத்தப்படுகிறது.

சென்னை, கோவை, திருச்சி, தஞ்சாவூர், ஈரோடு, சேலம், கிருஷ்ணன்கோவில், நாகர்கோவில் ஆகிய இடங்களை சேர்ந்த, 20 நிகர்நிலை பல்கலை அணியினர் போட்டியில் பங்கேற்கின்றனர். போட்டியில் முதல் இரண்டு இடங்களை பெறும் அணிகள் மட்டும், தமிழ்நாடு அனைத்து பல்கலை கால்பந்து போட்டியில் பங்கேற்க தகுதி பெறுகின்றன.