செய்முறை தேர்வுக்கு பதிவு தனித்தேர்வருக்கு வாய்ப்பு
செய்முறை தேர்வுக்கு பதிவு தனித்தேர்வருக்கு வாய்ப்பு
UPDATED : நவ 09, 2023 12:00 AM
ADDED : நவ 09, 2023 10:52 AM
உடுமலை:
பத்தாம் வகுப்பு செய்முறை தேர்வு எழுதும், தனித் தேர்வர்களுக்கு கூடுதல் வாய்ப்பு வழங்கும் வகையில், வரும் 10ம் தேதி வரை பதிவு செய்ய விண்ணப்பிக்கலாம் என அறிவிக்கப்பட்டுள்ளது.பத்தாம் வகுப்பு தனித்தேர்வர்கள் அறிவியல் செய்முறை தேர்வுக்கு பதிவு செய்ய, ஆக., 10 முதல், 21 வரை வாய்ப்பு வழங்கப்பட்டது. கூடுதல் வாய்ப்பு வழங்கும் வகையில் 6ம் தேதி முதல் வரும் 10ம் தேதி வரை மீண்டும் வாய்ப்பு வழங்கப்பட்டுள்ளது.அதன்படி, விண்ணப்ப படிவம் www.dge.tn.gov.in என்ற இணையதளத்தில் வெளியிடப்பட்டுள்ளது. தேர்வு எழுதுவோர் தங்கள் விபரங்களை பூர்த்தி செய்து, இரண்டு நகல்கள் எடுத்து, வரும், 10ம் தேதிக்குள் திருப்பூர் மாவட்ட கல்வி அலுவலர் அலுவலகத்தில் நேரில் சென்று பதிவு கட்டணம், 125 ரூபாய் செலுத்தி, பதிவு செய்து கொள்ள வேண்டும். பதிவுச்சீட்டு சமர்ப்பித்து, முன்னதாகவே ஹால் டிக்கெட் பெற்று வருவோர் மட்டுமே, செய்முறைத் தேர்வுக்கு அனுமதிக்கப்படுவர் என, தெரிவிக்கப்பட்டுள்ளது. இதுவரை பதிவு செய்யாத வர்கள் இந்த வாய்ப்பை பயன்படுத்திக்கொள்ளலாம்.
