தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/செய்திகள்/கல்விமலர்/செய்திகள்/துவக்க, நடுநிலைப்பள்ளிகளுக்கு இணைய சேவை அரசு ஏற்படுத்த எதிர்பார்ப்பு

துவக்க, நடுநிலைப்பள்ளிகளுக்கு இணைய சேவை அரசு ஏற்படுத்த எதிர்பார்ப்பு

துவக்க, நடுநிலைப்பள்ளிகளுக்கு இணைய சேவை அரசு ஏற்படுத்த எதிர்பார்ப்பு


UPDATED : நவ 14, 2023 12:00 AM

ADDED : நவ 14, 2023 10:07 AM

Follow on GoogleFavourite on Google

UPDATED : நவ 14, 2023 12:00 AM ADDED : நவ 14, 2023 10:07 AM


Follow on Google
அ நிறம் | அளவு

உடுமலை:
அரசு துவக்க, நடுநிலைப்பள்ளிகளில், பள்ளி தகவல் பரிமாற்றத்துக்கும், பதிவேற்றங்களுக்கும் இன்டர்நெட் வசதி வழங்க வேண்டுமென, பள்ளி நிர்வாகத்தினர் கோரிக்கை விடுத்துள்ளனர்.கல்வித்துறையிலிருந்து, பள்ளிகளுக்கு தகவல் அனுப்பப்படுவதில், இப்போது இன்டர்நெட் மட்டுமே மிக முக்கியமாக உள்ளது. பள்ளியில் போட்டிகள் நடத்த அறிவுறுத்தப்படுவது, மாணவர்களின் விபரங்களை கேட்பது, அரசின் அறிவிப்புகள் என அனைத்துமே ஆன்லைன் வாயிலாக, அந்தந்த பள்ளிகளுக்கு இ-மெயில் அனுப்பப்படுகிறது.ஆனால், துவக்க மற்றும் நடுநிலைப்பள்ளிகளில், 90 சதவீத பள்ளிகளில், இன்டர்நெட் மட்டுமின்றி, கம்ப்யூட்டர் வசதியும் கிடையாது. இதனால், மொபைல் போன்களில் தான் இப்போதைய தகவல் பரிமாற்றம் நடக்கிறது. ஆனால், மாணவர்களின் விபரங்கள் உள்ளிட்ட தகவல்களை அனுப்புவதற்கு, இவ்வசதி கட்டாயம் தேவையாக உள்ளது.குறிப்பாக துவக்கப்பள்ளிகளில், இந்த வசதியில்லாததால், தனியார் மையங்களுக்குச்சென்று தான், ஆசிரியர்கள் விபரங்களை கல்வித்துறைக்கு அனுப்புகின்றனர். இதனால், வகுப்புகளும் பாதிக்கப்படுகிறது.நடுநிலைப்பள்ளிகளுக்கு இன்டர்நெட் வசதி வழங்கப்படும் என, அரசு அறிவித்திருந்தது. ஆனால், அத்திட்டம் அனைத்து பள்ளிகளையும் எட்டவில்லை. மாணவர்களுக்கு நிகழ்கால எடுத்துக்காட்டுகள், ஆன்லைன் வாயிலாக வீடியோக்கள் காண்பிப்பதற்கும், அவர்களின் கல்வி தொடர்பாக செயல்படுவதற்கும், இன்டர்நெட் வசதி தேவையாக உள்ளது.தற்போது வரை, ஆசிரியர்களின் மொபைல் போன்களுக்கென போடப்படும் இன்டர்நெட் வசதியை பயன்படுத்துகின்றனர். ஆனால் பல நேரங்களில், சர்வர் பிரச்னையால் இணைய வசதி எடுப்பதில்லை.பள்ளிகளில் தடையில்லாத இன்டர்நெட் சேவை பெறுவதற்கும், கம்ப்யூட்டர் வசதி வழங்குவதற்கும், அரசு நடவடிக்கை எடுக்க வேண்டுமென பள்ளி நிர்வாகத்தினரும், கல்வி ஆர்வலர்களும் கோரிக்கை விடுத்துள்ளனர்.

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us