சென்னை:
தமிழக அரசு சார்பில், 2019 முதல் 2022 வரை திரைப்பட விருதுகள்; 2018 முதல் 2022 வரை குறைந்த செலவில் தயாரித்து வெளியிடப்பட்ட, தரமான தமிழ் திரைப்படங்களுக்கு அரசு மானியம்; 2015 முதல் 2022 வரை, சின்னத்திரை விருதுகள் வழங்கப்பட உள்ளன.இதற்கான விண்ணப்பங்கள், நேற்று முன்தினம் வரை பெறப்படும் என அறிவிக்கப்பட்டு இருந்தது. தற்போது, விண்ணப்பிப்பதற்கான கால அவகாசம், வரும் 31ம் தேதி மாலை 5:00 மணி வரை நீட்டிக்கப்பட்டு உள்ளது.பூர்த்தி செய்த விண்ணப்பங்களை, சென்னை கலைவாணர் அரங்கில், முதல் தளத்தில் அமைந்துள்ள, திரைப்படத்துறையினர் நல வாரியத்தில் வழங்கலாம் என, செய்தித்துறை இயக்குனர் மோகன் தெரிவித்து உள்ளார்.