தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/செய்திகள்/கல்விமலர்/செய்திகள்/என்.எல்.சி., இந்தியா நிறுவனத்துக்கு தங்க விருது

என்.எல்.சி., இந்தியா நிறுவனத்துக்கு தங்க விருது

என்.எல்.சி., இந்தியா நிறுவனத்துக்கு தங்க விருது


UPDATED : ஜன 12, 2026 01:46 AM

ADDED : ஜன 12, 2026 01:46 PM

Follow on GoogleFavourite on Google

UPDATED : ஜன 12, 2026 01:46 AM ADDED : ஜன 12, 2026 01:46 PM


Follow on Google
Latest Tamil News
அ நிறம் | அளவு

நெய்வேலி: புதுடில்லியில் நடந்த, மாநாட்டில் நிதிச்செயல் திறனுக்கான 'ஸ்கோச் தங்க விருது' என்.எல்.சி., இந்தியா நிறுவனத்துக்கு வழங்கி கவுரவிக்கப்பட்டது.

புதுடில்லி இந்தியா ஹாபிடேட் சென்டரில் நேற்று 'வளர்ச்சியடைந்த பாரதத்தை நிர்வகித்தல்' என்ற கருப்பொருளில் 105வது ஸ்கோச் மாநாடு நடந்தது.

இம்மாநாட்டில், என்.எல்.சி., இந்தியா நிறுவனத்துக்கு, நிதி செயல்திறனில் சிறந்து விளங்கியதற்காக மதிப்புமிக்க 'ஸ்கோச் தங்க விருது' வழங்கி கவுரவிக்கப்பட்டது. விருதினை பெற்றுக்கொண்ட என்.எல்.சி., சேர்மன் பிரசன்னகுமார் மோட்டுப்பள்ளி பேசியதாவது:

ஸ்கோச் விருதுகளிலேயே மிக உயரிய பிரிவான இந்த தங்க விருது, என்.எல்.சி., இந்தியா நிறுவனத்தின் வலுவான நிதி அடிப்படைகள், விவேகமான நிதி மேலாண்மை, செயல்பாட்டுத் திறன் மற்றும் பங்குதாரர்களுக்கான நிலையான மதிப்பினை உருவாக்கியமை ஆகியவற்றை அங்கீகரிக்கும் வகையில் வழங்கப்பட்டுள்ளது.

சவால்கள் நிறைந்த தற்போதைய சூழலிலும், கட்டுக்கோப்பான மூலதன ஒதுக்கீடு, செலவின மேம்பாடு, வலுவான நிர்வாக நடைமுறைகள் மற்றும் தொடர்ச்சியான செயல்பாட்டு மேன்மை ஆகியவற்றின் மூலம் நிறுவனம் தனது நிதி வலிமையை நிரூபித்துள்ளது.

இந்த தங்க விருது, என்.எல்.சி., இந்தியா நிறுவனத்தின் வெளிப்படைத்தன்மை, பொறுப்புக்கூறல் மற்றும் நீண்ட கால நிலையான வளர்ச்சிக்கான உறுதிப்பாட்டை அடிக்கோடிட்டுக் காட்டுகிறது.

இந்த உயரிய விருது, என்.எல்.சி., இந்தியா நிறுவனத்தின் ஒட்டுமொத்த குடும்பத்தின் கூட்டு முயற்சிக்கு கிடைத்த வெற்றியாகும்.

நிறுவனத்தின் நிதி வலிமை மற்றும் செயல்பாட்டுத் திறனுக்கு முதுகெலும்பாகத் திகழும் எமது பணியாளர்களின் அர்ப்பணிப்பு, தொழில்முறைத் திறன் மற்றும் நேர்மைக்கு இந்த விருதை நான் சமர்ப்பிக்கிறேன்.

அத்துடன், பணியாளர்கள் முழு கவனத்துடன் பணியாற்றத் துணையாக இருக்கும் அவர்களது குடும்பத்தினரின் ஆதரவையும் தியாகங்களையும் நன்றியுடன் இத்தருணத்தில் பதிவு செய்கிறேன்.

இவ்வாறு சேர்மன் பிரசன்னகுமார் மோட்டுப்பள்ளி பேசினார்.

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us