'சென்னை ஆர்.கே.நகர் தொகுதி இடைத்தேர்தலில், தி.மு.க., 'டிபாசிட்' இழந்தது போல மதுராந்தகம், தாராபுரம் தொகுதி இடைத்தேர்தலில் ஏற்பட்டு விடக்கூடாது' என, கட்சியினரை, தி.மு.க., தலைவர் ஸ்டாலின் எச்சரித்துள்ளதாக தகவல் வெளியாகி உள்ளது.

மதுராந்தகம், தாராபுரம் தொகுதி இடைத்தேர்தல் குறித்து, தி.மு.க., சார்பில் களமிறக்கப்பட்டு உள்ள தேர்தல் பணிக்குழு நிர்வாகிகள், முன்னாள் அமைச்சர்கள், மாவட்ட செயலர்களுடன், ஸ்டாலின் ஆலோசனை நடத்தினார்.

அவர்களிடம் ஸ்டாலின் கூறியுள்ளதாவது: கடந்த 2017ல், சென்னை ஆர்.கே.நகர் தொகுதி இடைத்தேர்தலில், தி.மு.க., வேட்பாளர் மருது கணேஷ், 24,651 ஓட்டுகள் மட்டுமே பெற்று, 'டிபாசிட்' இழந்தார். ஆனால், அ.தி.மு.க., 'டிபாசிட்'டை தக்க வைத்தது.

தி.மு.க., நிர்வாகிகள் சிலர் மீது நடவடிக்கை எடுத்த பின், அடுத்த பொதுத்தேர்தலில், ஆர்.கே.நகர் தொகுதியில் தி.மு.க ., வெற்றி பெற்றது. ஆர்.கே.நகர் இடைத்தேர்தலில் நடைபெற்ற தவறு மீண்டும் நடந்து விடக்கூடாது. இவ்வாறு அவர் கூறியுள்ளார்.