நெய்வேலி என்.எல்.சி.,யில் நான்கு அனல்மின் நிலையங்கள் செயல்பட்டு வருகின்றன. அதில், தலா 210 மெகாவாட் மின்உற்பத்தி திறன்கொண்ட 7 மின்உற்பத்தி நிலையங்கள் செயல்பட்டு வருகிறது. இதில் 6 வது யூனிட்டில் செயல்பட்டு வந்த பாய்லர் அருகே இருந்த நீராவி குழாய் நேற்று மாலை திடீரென வெடித்து, நீராவி பீய்ச்சி அடித்தது.

அதில், அங்கு வேலை செய்த கொண்டிருந்த ஊத்தாங்காலை சேர்ந்த செல்வகுமார் மகன் நந்தகுமார், 35; கொள்ளிருப்பு அம்பேத்கர் நகர் ராமலிங்கம் மகன் ராமகிருஷ்ணன், 35; ஆதண்டார்கொல்லை கோவிந்தசாமி மகன் வேல்முருகன், 51; முதனை ரவிச்சந்திரன் மகன் லோகேஷ், 23; ஆகியோர் தீக்காயம் அடைந்தனர்.

அவர்களை சக ஊழியர்கள் மீட்டு என்.எல்.சி., மருத்துவமனைக்கு கொண்டு சென்றனர். அங்கு அவர்களுக்கு முதலுதவி அளித்த பின் மேல்சிகிச்சைக்காக சென்னை வடபழனியில் உள்ள தனியார் மருத்துவமனைக்கு அனுப்பி வைக்கப் பட்டனர்.